Gujarati News

સંજય દત્તની બાયોપિકમાં આમિર ખાને ટાઈટલ રોલ ભજવવો હતો. રાજકુમાર હીરાણીની 'સંજુ' માં રણબીર કપૂર તેનું પાત્ર ભજવી રહ્યો છે. આ ફિલ્મમાં રાજકુમાર હીરાણીએ સુનીલ દત્તનું પાત્ર આમિરને ઓફર કર્યું હતું, પરંતુ આમિરેએ ઠુકરાવી દીધું હતું અને એ પાત્ર પરેશ રાવલે ભજવ્યું છે.

આ વિશે પૂછતાં આમિરે કહ્યું હતું કે રાજકુમાર હીરાણીએ મને ફિલ્મની સ્ક્રિપ્ટ ઓફર કરી હતી અને મને એ ખૂબ જ પસંદ પડી હતી. હું ઈચ્છતો હતો કે સુનીલ દત્તનું પાત્ર હું ભજવું. આ પાત્ર સારું છે અને ફિલ્મની સ્ક્રિપ્ટ પિતા- પુત્રના રિલેશન પર છે. જોકે સંજુનું પાત્ર ખૂબ જ અદ્દભુત છે. એકટર તરીકે મેં રાજુને કહ્યું હતું કે સંજય દત્તનું પાત્ર એટલું સારું છે કે એણે, મારું દિલ જીતી લીધું છે. આ ફિલ્મમાં હું સંજય દત્તના પાત્ર સિવાય બીજું કોઈ પાત્ર ભજવી શકું એમ નથી. આ પાત્ર રણબીર ભજવી રહ્યો હોવાથી હું ભજવી શકું એમ નથી એથી મને કોઈ ઓફર ન કર.