Gujarati News

Gujarati News

News of Wednesday, 24th April 2019

રેકોર્ડતોડ બુકીંગ

'એવેન્જર્સ' માટે ૨૪ કલાક ખુલ્લા રહેશે સિનેમાઘર

મુંબઇ તા. ૨૪ : હોલિવૂડની ફિલ્મ 'એવેન્જર્સ એન્ડગેમે' લઇને ભારતમાં ખૂબ જ ક્રેઝ જોવા મળી રહ્યો છે. આ ફિલ્મ રશિયન બ્રધર્સના માર્વેલ કોમિકસના પાત્રો પર બનાવવામાં આવી છે. આ ફિલ્મે ભારતમાં રિલીઝ પહેલા જ શોર મચાવી દીધો છે. ફિલ્મનું સતત એડવાન્સ બૂકિંગ જોઈને, એવું લાગે છે કે ભારતભરમાં થિયેટર્સ ઓછા પડી જશે પરંતુ પ્રેક્ષકો ઓછા નહીં પડે. દર્શકોની આ માંગને ધ્યાનમાં રાખીને દેશભરમાં ૨૪ કલાક મલ્ટિપ્લેકસ ખોલવા માટે પરવાનગી આપવામાં આવી છે. એટલે કે હવે એન્ડગેમના વધુ શો જોવા મળશે અને ટિકિટ પણ વધશે.

આ ફિલ્મ ૨૬ મી એપ્રિલના રોજ ભારતમાં રિલીઝ થઇ રહી છે, પરંતુ એડવાન્સ બૂકિંગ ૨-૩ અઠવાડિયા પહેલા જ શરુ થઇ ચુકયુ હતુ. ખર્ચાળ ટિકિટ હોવા છતા પણ વેચઇ ગઇ હતી. રિલીઝ પહેલા પણ ભારતમાં એક ટિકિટ બાકી રહી નથી એટલે કે તમામ સીટ રિલીઝ પહેલા જ બે અઠવાડિયામાં બૂકિંગ થઇ ગઇ છે. આટલો જબરદસ્ત ક્રેઝ કોઇ ફિલ્મમાં જોવા મળ્યો નથી.

દર્શકોને જોતાં દેશમાં કેટલાક મોટા મલ્ટિપ્લેકસમાં મોડી રાત સુધી શો બતાવવા માટે પરવાનગી માંગી હતી. તાજેતરમાં તેને ૨૪ કલાકના શો માટે લીલી ઝંડી મળી છે, એટલે કે દર્શકો ફકત રાત્રે જ નહીં રાત્રે ૧૨ વાગ્યેા પછી પણ શો જોઇ શકશે, એ માટે નવી રાત્રિના સમય માટે શેડ્યૂલની યોજના બનાવી શકે છે. અત્યાર સુધી આવી પ્રક્રિયા ફકત વિદેશી દેશોમાં જ જોવા મળતી હતી.

માહિતી અનુસાર ભારતમાં એવેન્જર્સ એન્ડગેમે ૨૦૦૦ અને ૨૫૦૦ની વચ્ચે સ્ક્રીન મળશે, પરંતુ હવે શોની સંખ્યા મોટી થશે અને ટિકિટોમાં પણ વધારો થશે. એવેન્જર્સ એન્ડગેમ હિન્દી, તમિલ અને તેલુગુમાં અને અંગ્રેજીમાં રજૂ કરવામાં આવશે. ૨૪-કલાક શો માટે આ પરવાનગીઓ ફકત 'એવેન્જર્સ એન્ડગેમ' માટે જ આપવામાં આવી છે.

ટ્રેડ પંડિતોનું માનીએ તો શોની સંખ્યામાં વધારો થતા એવેન્જર્સ એન્ડગેમનું ઓપનિંગ કલેકશન ૫૦ કરોડથી પણ વધુ હોવાની સંભવના છે. આ ફિલ્મે રિલીઝ પહેલા રેકોર્ડ કમાણી કરી દીધી છે. આ ફિલ્મે એક દિવસમાં ૧૦ લાખ ટિકિટો વેચીને તમામ રેકોર્ડ્સ તોડ્યા છે.(૨૧.૨૩)

(3:56 pm IST)
  • ક્રિકેટરમાંથી રાજકારણીઃ ગઇ કાલે ભૂતપૂર્વ ક્રિકેટર ગૌતમ ગંભીરે ઇસ્ટ દિલ્હીમાંથી બીજેપીના ઉમેદવાર તરીકે નોમિનેશન ભરતાં પહેલાં શાનદાર રોડ-શો કર્યો હતો. access_time 11:22 am IST

  • મોદી બાયોપીકમાં વિપક્ષોને ખુબ નબળા ચિતરવામાં આવ્યા: ચુંટણીપંચે ૧૯મે સુધી આ ફિલ્મ ઉપર પ્રતિબંધની માંગણી કરી :ચુંટણીપંચે સુપ્રિમકોર્ટમાં રીપોર્ટ આવ્યો છે કે છેલ્લા તબકકાના મતદાન એટલે કે ૧૯ મેં સુધી મોદી બાયોપીક ઉપર પ્રતિબંધ ઇચ્છે છે, આ ફિલ્મ એક નેતાની જીવન કથની છેઃ આ ફિલ્મમાં રાજકીય પ્રતિનિધિઓનો પ્રશસ્તિ કરવામાં આવી છે. ચુંટણી પંચના રીપોર્ટમાં જણાવાયું છે કે બાયોપીકમાં વિરોધ પક્ષોને ખુબ જ નબળા ચિતરવામાં આવ્યા છે અને તેમની સામેના વ્યકિત ઉપર વધુ ઢળતા દેખા ડાયા છે access_time 3:59 pm IST

  • ચુંટણી જંગ માટે તૈયારઃ ગઇ કાલે નોર્થ-ઇસ્ટ દિલ્હી લોકસભા સીટ માટે ઉમેદવારી પત્ર ભરવા માટે આવેલાં દિલ્હીનાં ભૂતપૂર્વ મુખ્ય પ્રધાન શીલા દિક્ષીત access_time 11:22 am IST