Gujarati News

Gujarati News

News of Monday, 23rd September 2019

મહીપ કપૂર દ્વારા ઇન્સ્ટાગ્રામ ઉપર શેર કરાયેલ તસ્વીરે સોશ્યલ મીડિયામાં ધૂમ મચાવીઃ ૭ વર્ષ જૂની તસ્વીરમાં સુહાના, અનન્યા અને શનાયાને ઓળખવી મુશ્કેલ

નવી દિલ્હી :બોલિવુડના બાદશાહ શાહરૂખ ખાન અને ગૌરી ખાનની દીકરી સુહાના ખાનની કોઈ પણ ફોટો કે વીડિયો સોશિયલ મીડિયા પર આવતા જ વાયરલ થઈ જાય છે. ત્યારે હવે મહીપ કપૂર દ્વારા ઈન્સ્ટાગ્રામ પર શેર કરાયેલી એક તસવીર પણ સોશિયલ મીડિયા પર ધૂમ મચાવી રહી છે. હકીકતમાં, આ તસવીરમાં સંજય કપૂર અને મહીપ કપૂરની દીકરી શનાયા કપૂર, સુહાના ખાન મમ્મી ગૌરી સાથે અને ચંકી પાંડેની દીકરી અનન્યા પાંડે નજર આવી રહી છે. કહેવામાં આવે છે કે, આ તસવીર 7 વર્ષ જૂની છે. જે 2012માં શાહરૂખની ફિલ્મ જબ તક હૈ જાન દરમિયાન ક્લિક કરવામાં આવી હતી.

ત્રણેયની બાળપણની તસવીર

અનન્યા પાંડે, શનાયા કપૂર અને સુહના બાળપણની મિત્ર છે અને આજે આ ત્રણેય બેસ્ટ ફ્રેન્ડ્સ છે. ઉલ્લેખનીય છે કે, અનન્યા પાંડે હાલ પોતાની આગામી ફિલ્મ પતિ પત્ની ઔર વોના શુટિંગમાં વ્યસ્ત છે. હાલમાં જ તેણે લખનઉમાં શુટિંગ શિડ્યુલ પૂરુ કર્યું છે. આ ફિલ્મમાં તે કાર્તિક આર્યન સાથે જોવા મળશે. અનન્યાની આ બીજી ફિલ્મ છે. તેણે આ વર્ષે કરણ જૌહરની ફિલ્મ સ્ટુડન્ટ ઓફ ધ યર 2થી બોલિવુડમાં એન્ટ્રી કરી હતી.

ઉલ્લેખનીય છે કે, સુહાના પણ જલ્દી જ બોલિવુડમાં ડેબ્યુ કરવાની છે. શાહરૂખ ખાનને જ્યારે દીકરીની બોલિવુડ એન્ટ્રી વિશે પૂછવામાં આવ્યું હતું ત્યારે તેણે કહ્યું હતું કે, સુહાના થિયેટરમાં રસ ધરાવે છે અને કોલેજમાં નાટક કરી રહી છે. નામાં સારી બાબત એ છે કે મને તેને અભિનય શીખવાડવાની જરૂર ન પડી. તે બાળપણથી જ ઉમદા કલાકાર હતી. તેથી તે સારી એક્ટ્રેસ પણ બની શકે છે. કેમ કે, તેનામાં મારા કરતા પાંચ ગણી વધુ હિંમત કરવાનો જુસ્સો છે.

(4:43 pm IST)
  • ડોનાલ્ડ ટ્રમ્પને સમર્થન આપીને નરેન્દ્રભાઈએ જોખમી પગલુ ભર્યુ? નવી દિલ્હી : અમેરિકામાં 'હાઉડી મોદી' કાર્યક્રમમાં ડોનાલ્ડ ટ્રમ્પને સમર્થન આપીને વડાપ્રધાન નરેન્દ્રભાઈ મોદીએ જોખમી પગલુ ભર્યાનું ચર્ચાઈ રહ્યુ છે. જો ડોનાલ્ડ ટ્રમ્પ રાષ્ટ્રપતિની ચૂંટણી હારી જાય તો નરેન્દ્રભાઈ માટે પરિસ્થિતિ ખૂબ જ કઠીન બની જશે. નવા રાષ્ટ્રપતિ સાથે સંબંધ બાંધવામાં તેમને ઘણી પરીક્ષાઓનો સામનો કરવો પડશે તેવુ રાજકીય પંડિતો માની રહ્યા છે. access_time 5:39 pm IST

  • હાઉડી મોદીમાં વડાપ્રધાને કાશ્મીરનો કર્યો ઉલ્લેખ : કહ્યું -આર્ટિકલ 370ના કારણે જમ્મુ કાશ્મીર અને લદ્દાખના લોકોને વિકાસ અને સમાન અધિકારોથી વંચિત રાખ્યા હતા. જેનો ફાયદો આતંકવાદી અને અલગાવવાદી તાકાત ઉઠાવતી હતી access_time 1:04 am IST

  • દિલ્હી અને ગ્રેટર નોઈડામાં પોલીસ અથડામણ : ઈનામી આરોપી સહીત બે ઝડપાયા : ગ્રેટર નોઇડ્સમાં 25 હજારના ઈનામી બદમાશ મનીષની ધરપકડ : દિલ્હીના કૈર ગામમાં નંદુ ગેંગ સાથે પોલીસની અથડામણ access_time 1:05 am IST