Gujarati News

કંગના રનૌત હમેંશા કોઇને કોઇ બાબતે વિવાદમાં રહેતી હોય છે. હાલમાં તે ફિલ્મ મણિકર્ણિકા-ધ કવીન ઓફ ઝાંસીના કામમાં વ્યસ્ત છે. આ ફિલ્મમાં તે મહારાણી   લક્ષ્મીબાઇનો રોલ નિભાવી રહી છે. આ ફિલ્મ માટે તેણે દસ કરોડની ફી વસુલી છે. ફિલ્મનું શુટીંગ નવેમ્બર ૨૦૧૭થી શરૂ થયું છે. આ ફિલ્મ માટે કંગનાએ ૧૨૦ દિવસ ફાળવ્યા છે. કંગના સાથે જોડાયેલા લોકો કહે છે કે કંગના ગમે ત્યારે ગમે તેટલી મોટી ફી વસુલતી નથી. એ ફિલ્મનું બજેટ જોયા પછી પોતાની ફી નક્કી કરે છે. સિમરન માટે તેણે છ કરોડ લીધા હતાં.  મેન્ટલ હૈ કયા ફિલ્મ  ઓછા બજેટની છે. આ માટે આઠ કરોડ જ લીધા છે. મણિકર્ણિકા મોટા બજેટની હોવાની દસ કરોડ ફી લીધી છે. આ ફિલ્મના નિર્માતા કમલ જૈન છે.