Gujarati News

Gujarati News

News of Friday, 23rd March 2018

વિદ્યાને મળી એનટીઆરની બાયોપિકમાં પત્નીના રોલની ઓફર

મુંબઇ: અભિનેત્રી નેશનલ એવોર્ડ વિજેતા વિદ્યા બાલનને આંધ્રના યુગસર્જક અભિનેતા પોલિટિશ્યન એનટી રામરાવની બાયો-ફિલ્મમાં એનટીઆરની પત્નીના રોલ માટે ઑફર કરવામાં આવી હોવાની જાણકારી મળી હતી.ઔઆ ફિલ્મમાં એટીઆરના પુત્ર નંદામુરી બાલકૃષ્ણ પોતાના પિતા એટલે કે એનટીઆરનો રોલ કરવાનો છે. તેલુગુ ફિલ્મના મેગાસ્ટાર અને અનેક સુપરહિટ ફિલ્મોના હીરો એવા એનટીઆરે ત્યારબાદ આંધ્રના રાજકારણમાં ઝંપલાવ્યું હતું અને વિધાનસભાની ચૂંટણીમાં અગાઉના તમામ રેકોર્ડ તોડીને સત્તા હાંસલ કરી હતી. જો કે એમને જમાઇ ચંદ્રા બાબુ નડયા હતા અને એમને પુત્રી તથા જમાઇ મારફત હેરાન થવું પડયું હતું. અત્યારે એનટીઆરના જમાઇ ચંદ્રા બાબુ રાજ્યના રાજકારણમાં ટોચના ખેલાડી ગણાય છે. પિતાની જેમ અત્યારે તેલુગુ ફિલ્મોમાં બાલકૃષ્ણ સુપર સ્ટાર છે. જો કે હજુ વિદ્યાએ પોતાને ઑફર કરાયેલી ફિલ્મ સ્વીકારવા અંગે કોઇ નિર્ણય કર્યો નથી એવું વિદ્યાની નિકટનાં સૂત્રોએ કહ્યુ ંહતું. વિદ્યાએ સ્ક્રીપ્ટમાં કેટલીક ભૂલો તરફ ધ્યાન ખેંચ્યું હતું અને ફિલ્મ સર્જકો હિસ્સો ફરી લખાવી રહ્યા હોવાનું કહેવાય છે.

 

 

(3:52 pm IST)
  • બ્રિટનના કલ્ચરલ અને ડિજીટલ સેક્રેટરી મેટ હેન્કોકે ફેસબુકને ચેતવણી આપી છે. કલ્ચર સેક્રેટરીના જણાવ્યા અનુસાર, જો આગામી દિવસોમાં ફેસબુક પોતાના ડેટા સુરક્ષા માટેના નિયમોને વધુ કડક બનાવશે અને તેનું પાલન નહીં કરો તો તેના પર 91.97 અબજથી વધુનો દંડ લાગશે. હેન્કોકે સોશિયલ મીડિયા ફર્મ્સમાં થયેલી ડેટા ચોરી મામલે પ્લાન તૈયાર કર્યો છે. access_time 2:27 am IST

  • આખરે અમેરિકી રાષ્ટ્રપતિ ટ્રમ્પએ 'નાખુશ' હોવા છતાં, કોંગ્રેસ દ્વારા પાસ કરાયેલ 1.3 ટ્રિલિયનના સરકારી ખર્ચનાં બીલ પર હસ્તક્ષર કરી પાસ કર્યું : ફરી એકવાર અમેરિકી 'શટડાઉન' નું સંકટ ટળ્યું : આ પહેલ વ્હાઈટ હાઉસના સુત્રોએ જણાવ્યું હતું કે રાષ્ટ્રપતિ ટ્રમ્પ આ બીલ પર તેમના હસ્તાક્ષર કરશે, પણ પછી તરતજ ફેરવી તોડ્યું હતું અને ફરી જણાવ્યું હતું કે ટ્રમ્પ આ બીલ પર 'વીટો' વાપરશે : આ પાસ કરાયેલા કાયદામાં સમાવિષ્ટ ઇમિગ્રેશન દરખાસ્તો વિશે ટ્રમ્પને ખુબજ નારાજગી છે : તેમણે આ બીલ પાસ કરતા કોંગ્રેસને ટકોર પણ કરી હતી કે તેઓ ભવિષ્યમાં ફરી પાછા આવા કોઈ પણ 'વાહિયાત' બીલ ને પાસ કરવાની સંમતી નહી આપે. access_time 2:28 am IST

  • ઈન્ડિયન પ્રીમિયર લીગના આગામી સત્રમાં અમ્પાયરના નિર્ણયની સમીક્ષા પ્રણાલી(ડીઆરએસ) નો ઉપયોગ કરી શકાશે. આઈપીએલ ચેરમેન રાજીવ શુક્લાએ જણાવ્યું હતું કે, ઘણા વખતથી તેની પર વિચાર કરવામાં આવી રહ્યો હતો. આંતરરાષ્ટ્રીય ક્ષેત્રે ટી20 માં દરેક ટીમને અમ્પાયરના એક નિર્ણયની સમીક્ષા માટે તક આપવામાં આવશે. access_time 1:43 am IST