Gujarati News

Gujarati News

News of Tuesday, 23rd February 2021

ઉલ્લુ કે પઠ્ઠે... કપિલ શર્માએ ફોટોગ્રાફર સાથે અયોગ્‍ય વર્તન કરીને ગુસ્‍સો ઠાલવ્‍યો

મુંબઈઃ કોમેડિયન કપિલ શર્મા સોમવારે એરપોર્ટ પર વ્હીલચેરમાં બેસીને બહાર આવતો જોવા મળ્યો હતો. તેની આ તસવીરો સામે આવતા ફેન્સમાં હલચલ મચી ગઈ છે. ફેન્સ કપિલના સ્વાસ્થ્યને લઈને પરેશાન છે. ઘણા લોકો ટ્વીટ કરી તેના સ્વાસ્થ્ય વિશે પૂછી રહ્યા છે. ફેન્સ જ નહીં અન્ય લોકો પણ કપિલને વ્હીલચેર પર બેઠેલો જોઈને ચોંકી ગયા છે. એક વીડિયો સામે આવ્યો છે જેમાં ફોટોગ્રાફર્સના સવાલ પર કપિલ શર્મા ભડકી ઉઠે છે.

કપિલને આવ્યો ગુસ્સો

ફોટોગ્રાફર્સ કપિલ શર્માને ફોટો પાડે છે અને તેના સ્વાસ્થ્ય વિશે પૂછે છે. સૌથી પહેલા ફોટોગ્રાફર્સ કપિલનો ફોટો લેતા તેના હાલચાલ જાણે છે. ફોટોગ્રાફર કહે છે- કપિલ સર કેમ છે... સર વીડિયો લઈ રહ્યાં છીએ... ત્યારબાદ કપિલ કહે છે- ઓ પાછળ હટો તમે બધા. ત્યારબાદ ફોટોગ્રાફર્સ કહે છે- ઓકે સર... થેંક્યૂ સર... કપિલ પોતાનો ગુસ્સે દેખાડતા કહે છે- ઉલ્લૂ કે પઠ્ઠે.... તેની આ વાત સાંભળીને ફોટોગ્રાફર સકહે છે- સર રેકોર્ડ થઈ ગયું છે. તેના પર કપિલ કહે છે- હા કરી લો રેકોર્ડ.. તમે તોછડાઈ કરો છો. કપિલનું આ વર્તન જોઈ ફોટોગ્રાફર્સ કહે છે- સર તમે રિક્વેસ્ટ કરી હોત તો અમે પાછળ હટી ગયા હોત.

કપિલનું આ વર્તન લગભગ પ્રથમવાર જોવા મળ્યું છે. કપિલ આ પહેલા ઘણીવાર મીડિયા અને ફેન્સને મિલનસાર અંદાજમાં મળ્યો છે. પરંતુ તેનું આ વલણ અલગ હતું. હાલમાં વ્હીલચેર પર બેસવાનું કારણ સામે આવ્યુ નથી.

ફેન્સને પણ થઈ કપિલની ચિંતા

કપિલનો આ ફોટો ફેન્સને બેચેન કરી રહ્યો છે. એક યૂઝરે ટ્વીટ કર્યુ, 'તમને શું થયુ કપિલ જી? તમારો વ્હીલચેર વાળો ફોટો જોયો. તમે બરાબર છો ને. પ્લીઝ તમારૂ ધ્યાન રાખો.' તો ટ્વિટર પર અન્ય ચાહકોએ પણ કપિલના સ્વાસ્થ્ય પર ચિંતા વ્યક્ત કરી હતી.

 

(5:54 pm IST)
  • મતદારોએ આખે આખી પેનલો વીજયી બનાવીઃ નવી પેટર્ને આશ્ચર્ય સર્જયુઃ એક પણ વોર્ડમાં ક્રોસ વોટીંગ નહી! access_time 3:58 pm IST

  • ગૂગલની પ્રસિદ્ધ એપ્પ ગુગલ પ્લે મ્યુઝિક થશે બંધ : છેલ્લા આઠ વર્ષથી ચાલતી આ એપને સંપૂર્ણપણે બંધ કરવા નિર્ણય :એવું મનાય છે કે ગુગલ પ્લે મ્યુઝિકને યુટ્યુબ મ્યુઝિક એપથી રિપ્લેસ કરાશે :ગૂગલે ડિસેમ્બર 2020માં પ્લે મ્યુઝિકનું સંચાલન બંધ કર્યું હતું જેને હવે યૂટ્યૂબ મયુઈકમાં બદલાવી રહ્યાં છે access_time 11:25 pm IST

  • અમદાવાદના જમાલપુરમાં વિવાદાસ્‍પદ એમએલએ ઓવૈસીની પાર્ટીનો વિજય access_time 5:48 pm IST