Gujarati News

મુંબઈ: સલમાન ખાનના પ્રોડક્શનના બેનર હેઠળ બનેલી લવ સ્ટોરી ડ્રામા ફિલ્મ નોટબુકનું ટ્રેલર શુક્રવારે રિલીઝ થયું છે. આ ફિલ્મ કાશ્મીર પર બેસ્ડ છે. જેમાં બે ટિચર્સના પ્રેમની કહાની છે. આ ફિલ્મથી દિગ્ગજ અભિનેત્રી નૂતનની પૌત્રી પ્રાનૂતન બહલ ડેબ્યૂ કરી રહી છે. લીડ રોલમાં એક્ટર જહીર ઇકબાલ પણ છે.આ ફિલ્મના ટ્રેલરમાં તમે જોઈ શકો છો કે એક સ્કૂલ શિક્ષકને એ છોકરી સાથે પ્રેમ થાય છે જે એજ સ્કૂલમાં પહેલા ટીચર હતી. હીરો એ છોકરીની ન તો અવાજ સાંભળી છે અને ન તો તેને જોયેલી છે. છોકરીનું સ્કૂલ છોડવાનું કારણ લગ્ન હોય છે. ધીમે-ધીમે જ્યારે હીરોને એ છોકરી વિશે માહિતી મળે છે તો હીરોને એ છોકરીથી પ્રેમ થવા લાગે છે. ત્યારે બાદ બન્ને વચ્ચે એક નોટબુકમાં મેસેજિંગ શરૂ થાય છે. કાશ્મીરના બેકગ્રાઉન્ડ પર આધારિત આ લવ સ્ટોરી કેટલાક ટિ્વસ્ટથી ગુજરે છે. આ ફિલ્મમાં સ્કૂલના બાળકોની પણ મહત્વની ભૂમિકા બતાવવામાં આવી છે. સલમાન ખાન, મુરાદ ખેતની અને અશ્વિન વર્દેએ આ ફિલ્મનું નિર્માણ કર્યું છે. આ ફિલ્મ 29મી માર્ચે રિલીજ થશે. જોકે પુલવામા આતંકી હુલમા બાદ ભારત-પાકિસ્તાન વચ્ચે તંગદિલી વધતા આ મૂવીને પાકિસ્તાનમાં રિલીઝ નહીં કરવામાં આવે. તમને બતાવી દઈએ કે લુકા-છુપી, અર્જુન પટિયાલા, મિલાન ટોકીઝ અને ટોટલ ધામલને પણ પાકિસ્તાનમાં રિલીઝ કરવામાં આવી નથી. જ્યારે પુલવામા આત્મઘાતી હુમલા બાદ ફિલ્મ નોટબુકમાંથી પાકિસ્તાની સિંગર આતિફ અસલમનું ગીત પર હટાવી દેવામાં આવ્યું છે.