Gujarati News

Gujarati News

News of Friday, 22nd November 2019

મારી પહેલી પોસ્ટને પ્રેમ આપવા માટે તમને ખૂબ જ પ્રેમ, પહાડ ઉપરથી પડી રહેલા ધોધથી લઇને ઝરણા સુધીનો નજારોઃ ધર્મેન્‍દ્ર મોટાભાગનો સમય ફાર્મ હાઉસમાં પસાર કરે છે

નવી દિલ્હી : બોલિવૂડના દિગ્ગજ અભિનેતા ધર્મેન્દ્ર હાલમાં 82 વર્ષના છે પણ આજે પણ ઉર્જાથી સભર છે. હાલમાં ધર્મેન્દ્ર બોલિવૂડના ગ્લેમરથી દૂર છે અને ખેતી કરી રહ્યા છે. હકીકતમાં હાલમાં ધર્મેન્દ્રના ઇન્સ્ટાગ્રામ એકાઉન્ટ પર અનેક વીડિયો નાખવામાં આવ્યા છે. આ વીડિયોમાં તે પોતાની ગાયને ચારો ખવડાવતા તેમજ ખેતી કરતા દેખાય છે. આ વીડિયોમાં ધર્મેન્દ્ર સંદેશ આપે છે કે work is worship. ધર્મેન્દ્ર ઘણીવાર પોતાના વીડિયો અને ફોટા ઇન્સ્ટાગ્રામ એકાઉન્ટ પર પોસ્ટ કરે છે જે તેના ચાહકોને પસંદ પડે છે. હાલમાં આવો જ એક બીજો વીડિયો સામે આવ્યો છે જેમાં ધર્મેન્દ્ર ઝરણા પાસે પોતાની કારમાં જોવા મળી રહ્યા છે.

બોલિવૂડ એક્ટર ધર્મેન્દ્રએ ઈન્સ્ટાગ્રામ પોસ્ટ સાથે કેપ્શનમાં લખ્યું, ‘મારી પહેલી પોસ્ટને પ્રેમ આપવા માટે તમને ખૂબ જ પ્રેમ. લાંબા સમય પછી મારા ફાર્મથી વીડિયો, લોનાવાલામાં વરસાદ. પહાડ ઉપરથી પડી રહેલા ધોધથી લઈને ઝરણા સુધીનો નજારો. ધર્મેન્દ્ર હાલમાં પોતાનો મોટાભાગનો સમય પોતાના ફાર્મ પર પસાર કરે છે.

ધર્મેન્દ્રનો જન્મ પંજાબના લુધિયાણાના નસરાલી ગામમાં થયો હતો. તેઓ છેલ્લા 58 વર્ષથી ફિલ્મ ઇ્ન્ડસ્ટ્રીમાં સક્રિય છે. તેમણે 1960માં ફિલ્મ 'હમ ભી તેરે દિલ ભી તેરા'થી બોલિવૂડમાં એન્ટ્રી લીધી હતી. ધર્મેન્દ્રને 1970ના દશકના મધ્યમાં દુનિયાના સૌથી હેન્ડસમ પુરુષમાં સ્થાન મળ્યું હતું. ધર્મેન્દ્રએ બે લગ્ન અનુક્રમે પ્રકાશ કૌર તેમજ હેમા માલિની સાથે કર્યા છે. સની દેઓલ અને બોબી દેઓલ બોલિવૂડમાં પોતાનું મજબૂત સ્થાન બનાવી ચુક્યા છે. સની તો સાંસદ બનીને રાજનીતિના મેદાનમાં ઉતરી ચૂક્યો છે.

(4:58 pm IST)
  • શિવસેનાની કિશોરી પેડનેકર બની નવી મેયરઃ ડે.મેયર પદ પણ શિવસેનાનેઃ સૌથી અમીર મ્યુ. કોર્પો. છેઃ ર૦૧૯-ર૦ નું રૂ. ૩૦૬૯ર કરોડનું બીએમસીનું બજેટ છેઃ ભાજપ સામે મેયરપદ માટે જોરદાર મુકાબલો થયો હતો access_time 3:51 pm IST

  • ઈન્દ્રનું સિંહાસન સોંપી દયે તો પણ ભાજપનો ભરોસો ન કરાય : શિવસેના પ્રવક્તા સંજય રાઉત : કોંગ્રેસ, NCP તથા શિવસેનાની યુતિ દ્વારા મહારાષ્ટ્રમાં શિવસેનાનો જ મુખ્યમંત્રી બનશે access_time 12:26 pm IST

  • રાત્રે છત્તીસગઢમાં ભયંકર અકસ્માત : ચાર મહિલા સહીત આઠ લોકોના મોત : છત્તીસગઢના બેમેતરા જિલ્લાના મોહભટ્ટા પાસે કાર તળાવમાં ખાબકી : એક જ પરિવારના આઠ લોકોના કરૂણમોત : મોહતારાથી બેમેતરા જતી આઈ-20 કારના ચાલકે કાબુ ગુમાવતા ઊંડા તળાવમાં ખાબકી: ડૂબી જવાથી આઠ લોકોના મોત access_time 1:07 am IST