Gujarati News

Gujarati News

News of Friday, 22nd November 2019

મૌની, ક્રિસ્ટલ કે અંકિતા... કોણ હશે, 'ચહેરે'નો એક ચહેરો?

અમિતાભ બચ્ચન અને ઇમરાન હાસમીની બહુચર્ચીત ફિલ્મ ચહેરે હાલમાં હિરોઇનને કારણે ચર્ચામાં છે. આ ફિલ્મ મુખ્ય અભિનેત્રી ક્રિતી ખરબંદાએ છોડી દેતાં તેની જગ્યા હવે કઇ હિરોઇન લેશે? તે વિશે તરેહ-તરેહની અટકળો શરૂ થઇ છે. એક વાત એવી વહેતી થઇ હતી કે ક્રિતીએ નખરા શરૂ કરતાં તેને પડતી મુકવામાં આવી હતી. તો બીજી વાત એવી આવી હતી કે અંતરંગ દ્રશ્યો ભજવવા ક્રિતી તૈયાર ન હોઇ તેણે જ ફિલ્મ છોડી દીધી હતી. હવે ક્રિતીની જગ્યાએ મૌની રોય, ક્રિસ્ટલ ડિસૂઝા અને અંકિતા લોખંડેના નામ ચર્ચામાં આવ્યા છે. નિર્માતા આનંદ પંડિતની ઓફિસમાં જઇ અંકિતા લોખંડે અને મૌની રોય એમ બંનેએ વારાફરતી મિટીંગ કરી હતી. જો કે મૌનીની વાતચીત અમુક મિનીટોમાં પુરી થઇ ગઇ હતી. જ્યારે અંકિતાએ દોઢેક કલાક મિટીંગ કરી હતી. આ જોતાં અંકિતાનો ચાન્સ વધુ હોવાની શકયતા છે. તો હવે ક્રિસ્ટલ ડિસુઝાનું નામ પણ સામે આવ્યું છે. ફિલ્મમાં ઇમરાન હાસમી બિઝનેસમેનના રોલમાં છે. રૂમી જાફરી નિર્દેશીત આ ફિલ્મ આવતા વર્ષે વીસમી ફેબ્રુઆરીએ રિલીઝ થવાની છે. ફિલ્મના અમિતાભ અને ઇમરાનના લૂકસ ખુબ ચર્ચાસ્પદ બન્યા છે. આ ત્રણેય ટીવી પરદાની સુંદરીઓ છે.

(10:09 am IST)
  • મહારાષ્ટ્રમાં શિવસેના ,એન.સી.પી.અને કોંગ્રેસ વચ્ચેની મિટિંગ સંપન્ન : 5 વર્ષ સુધી સ્થિર સરકાર આપવા લીડર તરીકે ઉધ્ધવ ઠાકરેના નામ ઉપર સહમતી : શરદ પવાર access_time 7:35 pm IST

  • શિવસેનાની કિશોરી પેડનેકર બની નવી મેયરઃ ડે.મેયર પદ પણ શિવસેનાનેઃ સૌથી અમીર મ્યુ. કોર્પો. છેઃ ર૦૧૯-ર૦ નું રૂ. ૩૦૬૯ર કરોડનું બીએમસીનું બજેટ છેઃ ભાજપ સામે મેયરપદ માટે જોરદાર મુકાબલો થયો હતો access_time 3:51 pm IST

  • સિયાચીનને પર્યટકો માટે ખોલવાના ભારતના નિર્ણંયથી પાકિસ્તાન ફફડ્યું : પાકિસ્તાને ફરીવાર કાશ્મીર રાગ આલાપ્યો : આર્ટિકલ 370 હટાવ્યા બાદથી નિવેદનબાજી કરતા પાકિસ્તાને ફરીવાર ભારત સામે ઝેર ઓક્યું : વિશ્વના સૌથી ઉંચા યુદ્ધ ક્ષેત્ર મનાતા સિયાચીનને પર્યટકો માટે ખુલ્લું મુકાવા માટે પાકિસ્તાને વાંધો ઉઠાવ્યો :પાકિસ્તાનના વિદેશ મંત્રાલયના પ્રવક્તા ડો,મોહમ્મ્દ ફૈઝલે કહ્યું કે સિયાચીન વિવાદી ક્ષેત્ર છે ત્યારે ભારત પર્યટકો માટે કેમ ખોલી શકે ? ફોટો siyachin access_time 1:05 am IST