Gujarati News

રણવીર સિંહ અને દીપિકા પાદુકોણેએ 14 અને 15 નવેમ્બર ઈટાલીમાં લગ્ન કર્યા. ત્યાર પછી 18 નવેમ્બરે તે મુંબઈ પાછા ફર્યા હતા અને 21 નવેમ્બરે બેંગલુરુમાં રિસેપ્શન પાર્ટી આપી હતી. આ રિસેપ્શન દીપિકાના પિયર તરફથી આપવામાં આવ્યું હતું. બેંગલુરુની ધ લીલા પેલેસમાં યોજાયેલા આ રિસેપ્શનની બધી જ તૈયારી દીપિકાની માતા ઉજ્જલા પાદુકોણેએ કરી હતી.

રિસેપ્શનમાં રણવીર અને દીપિકા રોયલ લૂકમાં દેખાયા હતા. દીપિકાએ ગોલ્ડન કાંજીવરમ સિલ્ક સાડી પહેરી હતી. આ સાડી દીપિકાને તેની માતાએ ગિફ્ટ કરી હતી. સાડી બેંગલુરુની અંગાડી ગેલેરિયામાંથી લેવામાં આવી હતી. દીપિકાએ રોયલ ટચ આપતા શઆહી મોતીનો હાર, માથામાં સિંદુર અને ટાઈટ બન બનાવ્યું હતું.

રિસેપ્શનમાં ખેલ જગતના અનેક સેલેબ્સ આવ્યા હતા જેમાં અનિલ કુંબલે અને પીવી સિંધુ ચર્ચામાં રહ્યા હતા. આ રિસેપ્શનમાં એક વધુ વ્યક્તિની સૌથી વધારે ચર્ચા હતી. તે છે રણવીર સિંહની સાળી અનુષા પાદુકોણ. અનુષા આમ તો લાઈમ લાઈટથી દૂર જ રહે છે પરંતુ તે રિસેપ્શનમાં પોતાના ડ્રેસ અને લૂકને કારણે ચર્ચામાં આવી હતી.

અનિષાએ બહેનના રિસેપ્શમાં સુંદર બ્લુ રંગનો લહેંગો પહેર્યો હતો અને તે સુંદરતામાં પોતાની સુપર સ્ટાર બહેનને ટક્કર આપી રહી હતી. સોશિયલ મીડિયા પર અનીષાના ફોટોઝ વાયરલ થઈ રહ્યા છે. અનીષા દીપિકા કરતા પાંચ વર્ષ નાની છે. તે ગોલ્ફર છે અને ભારતને આંતરરાષ્ટ્રીય સ્તરે રિપ્રેઝન્ટ કરે છે.

અનીષા ટેલેન્ટ અને બ્યુટીનું પરફેક્ટ કોમ્બિનેશન છે. તે માઉન્ટ કાર્મેલ કૉલેજમાં ભણી હતી. ગોલ્ફ ઉપરાંત તે હૉકી, ટેનિસ અને બેડમિન્ટન ર પણ હાથ અજમાવી રહી છે. દીપિકાના પિતા પ્રકાશ પાદુકોણ બેડમિન્ટન લેજન્ડ છે.