Gujarati News

સુપરસ્ટાર અક્ષય કુમાર અને રજનીકાંત સ્ટારર સાયન્સ ફિક્શન ‘2.0’ના ફેન્સ આતુરતાથી રાહ જોઈ રહ્યા છે. ફિલ્મનું ટ્રેલર આવ્યા પછી ફેન્સ તેને જોવા માટે ઘણાં એક્સાઈટેડ છે. ફિલ્મમાં અક્ષય કુમારનો નવો અવતાર જોવા મળી રહ્યો છે અને તેમાં વીએફએક્સનો જબરજસ્ત ઉપયોગ કર્યો છે. ફિલ્મ આ અઠવાડિયે રિલીઝ થવાની છે પણ રિલીઝ પહેલા જ ‘2.0’એ પ્રભાસની ‘બાહુબલી 2’નો રેકોર્ડ તોડી નાખ્યો છે.

પ્રભાષની બાહુબલી 2- ધ કન્ક્લુઝન 2017માં હિટ રહી હતી. આ ફિલ્મની ખાસિયત તેનું વીએફએક્સ શાનદાર હતું. ફિલ્મના બોક્સ ઓફિસ પર ઘણાં રેકોર્ડ તોડ્યા હતા. બાહુબલી-2 દેશભરમાં લગભગ 6500 સ્ક્રીન પર રિલીઝ થઈ હતી અને આ ફિલ્મ સૌથી વધુ સ્ક્રીન્સ પર રિલીઝ થનારી ફિલ્મ બનવાની છે. મીડિયા રિપોર્ટ્સ મુજબ રજનીકાંતની 2.0 બાહુબલીને પછાડીને 6600થી 6800 સ્ક્રીન પર રિલીઝ થશે.

ઉત્તર ભારતમાં 2.0 4000થી 4100 સ્ક્રીન્સ પર રિલીઝ થશે. ખબરોનું માનીએ તો ફિલ્મને રિલીઝ પહેલા જ એડવાન્સ બૂકિંગ લગભગ 120 કરોડ રુપિયા કમાઈ લીધા છે. આ રિલીઝ પહેલા 100 કરોડનો આંકડો પાર કરનારી તામિલ ફિલ્મ બની ગઈ છે. કહેવાય છે કે આ ફિલ્મમાં વીએફએક્સમાં 500 કરોડ રુપિયા ખર્ચ કરવામાં આવ્યા છે. આ વાતથી ફિલ્મને ઘણી રિલીઝ પહેલા ઘણાં ચર્ચામાં છે.