Gujarati News

ટીવી પરદાના ખુબ લોકપ્રિય શો ભાબીજી ઘર પર હૈના દરેક પાત્રો પોતપોતાની રીતે ખાસ છે અને દર્શકોને ખુબ હસાવે છે. આ શોમાં પ્રેમ ચોૈધરીના નામનું એક પાત્ર પણ છે, જે ફિલ્મ અભિનેતા પ્રેમ ચોપડાનો ડુપ્લીકેટ છે અને તેની જેમ જ પ્રેમ નામ હૈ મેરા...પ્રેમ ચોૈધરી...એવો ડાયલોગ બોલતો રહે છે. આ એકટરનું અસલી નામ વિશ્વજીત સોની છે. જે પ્રેમ ચોપડાની નકલ કરે છે અને ચહેરા-મોહરાથી પણ પ્રેમ ચોપડા જેવો જ લાગે છે. ભાબીજી ઘર પર હૈ શોમાં વિશ્વજીત પ્રેમ ચોપડાની મિમિક્રી કરી ડાયલોગ બોલે છે આ કારણે તે જુનિયર પ્રેમ ચોપડા તરીકે જાણીતો બન્યો છે. વિશ્વજીત સ્વીકારે છે કે મારો ચહેરો પ્રેમ ચોપરા જેવો હોવાથી મને તેમની મિમિક્રી કરીને જ ઓળખ મળી હતી. તે ફિરોઝ ખન્ના, વિનોદ ખન્ના અને જીતેન્દ્રી મિમિક્રી પણ સારી રીતે કરી શકે છે. જો કે તેની કારકિર્દીને પ્રેમ ચોપડાની મિમિક્રી થકી જ વેગ મળ્યો છે. વિશ્વજીતનો ઇરાદો તો પોતાનો કોઇ બિઝનેસ કરવાનો હતો. પરંતુ તે અનાયાસે અભિનયની દુનિયામાં આવી ગયો અને સફળતા મેળવી છે.