Gujarati News

Gujarati News

News of Tuesday, 22nd September 2020

રણબીર-શ્રધ્ધાની જોડીઃ મુંબઇ પછી સ્પેનમાં શુટીંગ

પ્યાર કા પંચનામા, સોનુ કે ટીટૂ કી સ્વીટી સહિતની સુપરહિટ ફિલ્મો આપી ચુકેલા નિર્દેશક લવ રંજન આગામી ફિલ્મ માટે નવી જ જોડીને પરદા પર લાવી રહ્યા છે. બોલીવૂડના સ્ટાર રણબીર કપૂર અને શ્રધ્ધા કપૂરની જોડી એક સાથે જોવા મળશે. આ વર્ષના પ્રારંભે ફિલ્મનું શુટીંગ શરૂ થઇ જવાનું હતું. પરંતુ કોરોનાને કારણે એ અટકી ગયું હતું. હવે શુટીંગ ફરી ચાલુ થતાં આગામી દિવસોમાં શુટીંગનો ધમધમાટ શરૂ થઇ જવાની શકયતા છે. રણબીર કપૂર અને શ્રધ્ધા કપૂરે ફિલ્મ માટેની તૈયારી શરૂ કરી દીધી છે. પ્રારંભમાં ટેસ્ટ શેડ્યુલ થશે. એ પછી સલામતિ માટેની ગાઇડલાઇન્સના નિયમો જણાવાશે અને બાદમાં કામ આગળ વધશે. પ્રારંભે મુંબઇમાં શુટીંગ થશે. એ પછી લાંબા દિવસો સુધી સ્પેનમાં શુટીંગ કરવામાં આવશે. આ એક રોમાન્ટીક કોમેડી જોનરની ફિલ્મ છે. રણબીર તેની ઇમેજ મુજબ લવર બોયની ભુમિકામાં જોવા મળશે. આગામી એપ્રિલ સુધીમાં શુટીંગ પુરૂ કરી લેવાનો અંદાજ છે. નિર્માતા ભુષણ કુમારની ટી-સિરીઝ કંપની ફિલ્મ બનાવી રહી છે.

(9:54 am IST)
  • 3.6ની તીવ્રતાના ધરતીકંપથી શ્રીનગર ધ્રુજી ઉઠ્યું : લોકો રસ્તાઓ પીઆર દોડી આવ્યા : જમ્મુ અને કાશ્મીર - શ્રીનગરના ઉત્તર પશ્ચિમ વિસ્તારથી 11 કિ.મી. ના અંતરે મોડી સાંજે 09:40 વાગ્યે ભૂકંપ નોધાયાનું રાષ્ટ્રીય સિસ્મોલોજી કેન્દ્ર એ જાહેર કર્યું છે. access_time 12:07 am IST

  • દેશમાં કોરોનાના કહેર વચ્ચે એક્ટીવ કેસમાં ઘટાડો : સતત ચોથા દિવસે નવા કેસ કરતા રિકવર થનારની સંખ્યા વધતા એક્ટિવ કેસ ગઈકાલના 10 લાખની અંદર સરક્યા: નવા કેસ અને રિકવર વચ્ચે સતત વધતો ગેપ : રિકવરી રેઈટ 80 ટકાથી વધુ access_time 11:04 pm IST

  • ભારતમાં : કોરોના-કોવિડ-૧૯ના ૨૦ લાખ કેસો નોંધવામાં ૬ મહિના (૧૮૦ દિવસ) લાગેલ જયારે ૫૦ લાખ કેસોની સંખ્યા વળોટી જવામાં માત્ર ૪૦ દિવસ થયા છે. આમ ૩૦ લાખ કેસો ૪૦ દિ'માં નોંધાયા છે. આને આ આંક ૫૫ લાખને વળોટી ગયેલ છે. access_time 3:54 pm IST