Gujarati News

Gujarati News

News of Tuesday, 22nd September 2020

અનુષ્કા શેટ્ટીની નિઃશબ્દ આવશે ઓકટોબરમાં

ડિજીટલ પ્લેટફોર્મ પર સતત નવા નવા વિષયોની ફિલ્મો રિલીઝ થતી રહે છે. અમેઝોન પ્રાઇમ પર આર. માધવન અને અનુષ્કા શેટ્ટીને લઇને એક ફિલ્મ આવશે. નિઃશબ્દ-સાયલેન્સ નામની આ ફિલ્મ સસ્પેન્સ થ્રિલરથી ભરપુર છે. ફિલ્મનું પોસ્ટર અગાઉ રિલીઝ થયું હતું. હવે ટ્રેલર પણ રિલીઝ થઇ ગયું છે. આ ફિલ્મ ઓકટોબરમાં રિલીઝ થવાની છે. તેલુગુ, તમિલ, મલયાલમ સહિતની ભાષામાં રિલીઝ થશે. અનુષ્કા ફિલ્મમાં સાક્ષી નામની આર્ટિસ્ટ યુવતિના રોલમાં છે. તે ખુબ પ્રતિભાશાળી કલાકાર છે. પરતુ બોલી શકતી નથી. સાક્ષી અચાનક જ એક અપરાધીક ઘટનામાં ફસાય છે. તેની નજર સામે જ એક દુઃખદ ઘટના બની જાય છે. પોલીસ અને જાસુસોની ટીમ આ રહસ્ય ઉકેલવા ઉંધેમાથે થાય છે. શકમંદોના લિસ્ટમાં ભૂતથી લઇને લાપતા છોકરી પણ સામેલ થાય છે. નિઃશબ્દ એવી થ્રિલર છે જે અંત સુધી દર્શકોને જકડી રાખશે તેવો નિર્માતાઓનો દાવો છે. નિર્દેશન હેમંત મધુકરે કર્યુ છે. બીજી ઓકટોબરે આ ફિલ્મ આવશે.

 

(9:54 am IST)
  • દેશમાં કોરોનાના કહેર વચ્ચે સતત ચોથા દિવસે નવા કેસ કરતા રિકવર થનારની સંખ્યા વધી : રાત્રે 12 વાગ્યા સુધીમાં નવા 73,368 પોઝીટીવ કેસ સામે 99,924 દર્દીઓ સ્વસ્થ થયા : એક્ટિવ કેસ 10 લાખની નીચે સરક્યા:દેશમાં કોરોનાના કુલ કેસનો આંક 55,58 980 થયો: એક્ટીવ કેસ,9,76,654 થયા : 44,92,,574 લોકોએ કોરોનાને મ્હાત આપી :વધુ 1046 લોકોના મોત સાથે મૃત્યુઆંક 88,955 થયો access_time 1:05 am IST

  • ચાઈના : બેઇજિંગના બે જિલ્લામાં ઢગલાબંધ પ્રચંડ વિસ્ફોટ : ૧૦૦ ફાયર ફાઈટર સ્થળ ઉપર : ચીનની રાજધાની બેઇજિંગના બે જિલ્લામાં સંખ્યાબંધ વિસ્ફોટો થયાના અહેવાલ મળે છે. એનટીડી ના અહેવાલ મુજબ વિસ્ફોટના સ્થળ ઉપર ૧૦૦ થી વધુ ફાયર ફાઇટર જોવા મળ્યાના અહેવાલ આવે છે. access_time 12:10 am IST

  • તાઇવાન માટે ચીન ખતરા સમાન : બની ગયાનું તાઇવાનના મહિલા રાષ્ટ્રપતિ સાઇ ઇંગ-વેને કહ્યું છે. છેલ્લા ૨ દિવસથી ચીન તરફથી સતત ફાઇટર પ્લેનો તાઇવાનની સીમામાં ઉડાવાય છે અને ચીન સંપૂર્ણ નફફટાઇથી કહે છે તાઇવાન અમે ગમે ત્યારે હડપ કરી જશું તેમણે કહ્યું કે તાઇવાન જલસીમામાં ધુસી આવવાનું કૃત્ય જ દર્શાવે છે કે ચીન આ સમગ્ર વિસ્તાર માટે ખતરા સમાન છે. અમેરીકાના ટોચના અધિકારી કીથ કૈચની તાઇવાન મુલાકાત સમયે ચીનના લશ્કરી વિમાનો તાઇવાન ઉપર ઉડયા હતા access_time 3:05 pm IST