Gujarati News

Gujarati News

News of Friday, 22nd June 2018

હુમા કુરેશી પણ વેબ સિરીઝમાં: મુખ્ય રોલ મળ્યો

હુમા કુરેશી બોલીવૂડ ઉપરાંત સાઉથની ફિલ્મો પણ કરી રહી છે. સુપરસ્ટાર રજનીકાંતની ફિલ્મ કાલાનો તેનો રોલ દર્શકોને ગમ્યો છે. બોલીવૂડ અને ટીવીના કલાકારો આ બંને ફિલ્ડ ઉપરાંત ડિઝીટલ પ્લેટફોર્મ પર પણ કામ કરતાં થયા છે. જુદી-જુદી વેબ સિરીઝમાં કલાકારો કામ કરી રહ્યા છે. હુમા કુરેશીને પણ એક વેબ સિરીઝમાં કામ કરવાની તક મળી છે. જેમાં  તેને મુખ્ય રોલ મળ્યો છે. આ વેબ સિરીઝનું નામ 'ફલેશ' રખાયું છે. જેનું નિર્દેશન દાનિશ અસલમ કરશે. તેણે અગાઉ ઇ્ટસ નોટ ધેટ સિમ્પલ નામની વેબ સિરીઝ બનાવી હતી. જેમાં સ્વરા ભાસ્કરે મુખ્ય રોલ નિભાવ્યો હતો. હવે હુમા પણ કંઇક નવું કરવા આ પ્લેટફોર્મ પર આવી  છે.  ગેંગ્સ ઓફ વાસેપૂર, બદલાપુર જેવી ફિલ્મોમાં હુમાએ શાનદાર અભિનય કર્યો છે.

(10:14 am IST)
  • જમ્મુ કાશ્મીરના ત્રાલમાં આતંકીઓએ કર્યો ગ્રેનેડ હુમલો : હુમલામાં ૮ જવાન ઘાયલ થયા છે : સુરક્ષાબળોએ સમગ્ર વિસ્તારને ઘેરીને આતંકીઓ સામે કાર્યવાહી ચાલુ કરી હોવાનું જાણવા મળે છે access_time 4:44 pm IST

  • અમદાવાદનાં પૂર્વ વિસ્તારોમાં ભારે પવન સાથે ઝાપટા : અમદાવાદના પૂર્વ વિસ્તારોમાં આજે સાંજે વરસાદનુ આગમન થતા વાતાવરણમા ઠંડક પ્રસરી ગઇ હતી. : નરોડા,નારોલ,વસ્ત્રાલ સહિતના વિસ્તારોમાં ભારે પવન ફુંકાયો હતો અને વરસાદી ઝાપટા વરસ્યા હતા.વરસાદ પડતા બફારામાંથી લોકોને રાહત મળી હતી. access_time 7:30 pm IST

  • બોટાદ પંથકમાં વરસાદ ; પાળીયાદ,તરઘડા લાઠીદડ સહિતના ગામોમાં વરસાદ વરસ્યો ;મોડીસાંજે હવામાનમાં પલટો ;ધરતીપુત્રોમાં હરખની હેલી :ગરમીમાં રાહતથી લોકોમાં ખુશીનો માહોલ access_time 1:10 am IST