Gujarati News

ટ્વિન્કલ ખન્નાને હવે મેડિટેશનની ફોટોગ્રાફીમાં ઇન્ટરેસ્ટ હોય એવું લાગી રહ્યું છે. તેણે હાલમાં જ ધ્યાનની મુદ્રાવાળો ફોટો સોશ્યલ મીડિયા પર શેર કર્યો હતો. આ ફોટો તેણે શેર કરતી વખતે નરેન્દ્ર મોદીનું નામ તો નહોતું લીધું, પરંતુ તેમના મેડિટેશનના ફોટો બાદ ટ્વિન્કલે આ ફોટો શેર કર્યો હતો. આ ફોટો ઇન્સ્ટાગ્રામ પર શેર કરીને ટ્વિન્કલે કેપ્શન આપી હતી કે 'છેલ્લા થોડા દિવસોથી કેટલાક ધાર્મિક ફોટોઝ જોઇને હું મેડિટેશન ફોટોગ્રાફી-પોઝિઝ અને એન્ગર્લ્સ' પર વર્કશોપ શરૂ કરવાની છું. સૌ કોઇ એમાં જોડાઇ શકો છો. મને એવું લાગી રહ્યું છે કે વેડિંગ ફોટોગ્રાફી બાદ આ જ ફોટોગ્રાફી સૌથી મોટી વસ્તુ બનવાની છે.