Gujarati News

Gujarati News

News of Thursday, 22nd April 2021

સલમાન ખાનની ફિલ્મ 'રાધે' ૧૩ મેના રોજ થશે રીલિઝ

આ ફિલ્મ સિનેમાઘરોની સાથે-સાથે પે પર વ્યૂ સ્ટ્રીમિંગ પ્લેટફોર્મ પર એક સાથે રીલિઝ કરવામાં આવશે

મુંબઇ,તા. ૨૨: ઇદ પર ફિલ્મ રીલિઝની પરંપરાને જાળવી રાખતાં સલમાન ખાન ફિલ્મ્સ અને ઝી સ્ટૂડિયોએ રાધેઃ યોર મોસ્ટ વોન્ટેડ ભાઇની રીલિઝની જાહેરાત કરી છે. પ્રભુ દેવાએ ડાયરેકટ કરેલી આ ફિલ્મ સિનેમાઘરોની સાથે-સાથે પે પર વ્યૂ સ્ટ્રીમિંગ પ્લેટફોર્મ પર એક સાથે રીલિઝ કરવામાં આવશે. ફિલ્મને ૧૩ મેના રોજ મોટા પાયે રીલિઝ કરવાની યોજના છે. જયારે ફિલ્મનું ટ્રેલર ૨૨ એપ્રિલે રીલિઝ થશે. રાધે આ વર્ષે લાંબા સમયથી રાહ જોવાઇ રહેલી ફિલ્મ્સમાંથી એક છે.

હાલમાં જ બોલિવૂડ અભિનેતા સલમાન ખાને તેની ફિલ્મ રાધેનું પ્રથમ પોસ્ટર રીલિઝ કર્યું હતું. ફિલ્મનું પોસ્ટર રીલિઝ કરી સલમાન ખાને ફેન્સને કહ્યું હતું કે, ઇદનું વચન હતું. ઇદ પર જ આવીશું. કેમ કે, એક વાર જે મેં... સલમન ખાને તેના આગવા અંદાજમાં ફિલ્મનું પોસ્ટર રીલિઝ કર્યું હતું.

રાધેઃ યોર મોસ્ટ વોન્ટેડ ભાઇનું નિર્દેશન પ્રભુ દેવાએ કર્યું છે. ફિલ્મમાં સલમાન ખાન, દિશા પટની, જેકી શ્રોફ અને રણદીપ હુડ્ડા મુખ્ય ભૂમિકામાં છે. જયારે ફિલ્મનું નિર્માણ સલમાન ખાન, સોહેલ ખાન ફિલ્મ્સ, રીલ લાઇફ પ્રોડકશન્સ પ્રાઇવેટ લિમિટેડ દ્વારા કરવામાં આવ્યું છે.

(6:09 pm IST)
  • સુપ્રીમના ૪ જજને કોરોના વળગ્યો : સુપ્રીમકોર્ટના ૪ ન્યાયાધીશોને કોરોના પોઝિટિવ આવતા ભારે ચિંતાની લાગણી access_time 11:31 am IST

  • કોરોના રોગચાળાની બીજી લહેરની પકડમાં જીવલેણ વાયરસ ઘણા દેશોને પાયમાલ કરી રહ્યો છે. પરિણામેં વૈશ્વિક સ્તરે ચેપગ્રસ્ત લોકોની સંખ્યામાં વધારો થઈ રહ્યો છે. છેલ્લા 24 કલાકમાં વિશ્વમાં આઠ લાખથી વધુ નવા કોરોના ના કેસ મળી આવ્યા અને 14 હજારથી વધુ પીડિતો દુઃખદ મૃત્યુ પામ્યા છે. અમેરિકાની જોહન્સ હોપકિન્સ યુનિવર્સિટીના ડેટા અનુસાર બુધવારે સવારે કોરોના પીડિતોનો વૈશ્વિક આંકડો વધીને 14 કરોડ 26 લાખથી વધુ થઈ ગયો છે. access_time 1:37 am IST

  • આજે રાજકોટ કોર્પોરેશને સાંજે જે નવા કોરોના કેસની યાદી બહાર પાડી છે તેમા અને ગાંધીનગરથી છેલ્લા 24 કલાક ના નવા કોરોના કેસના અકડાઓમાં વિસંગતતા જણાતા અકિલા એ રાજકોટ મ્યુ. કમિશ્નર શ્રી ઉદિત અગ્રવાલ ને આ બાબતે પૂછતાં તેમણે સ્પષ્ટતા કરી હતી કે રાજકોટ કોર્પોરેશને સાંજે જે આંકડાઓ દર્શાવ્યા છે તે છેલ્લા 24 કલાકના છે, નહિ કે બપોરથી સાંજના. એટલે રાજકોટ શહેરમાં છેલ્લા 24 કલાકમાં 397 નવા કોરોના કેસ નોંધાયાનું શ્રી ઉદિત અગ્રવાલે અકિલા ને જણાવ્યું છે. access_time 9:23 pm IST