Gujarati News

Gujarati News

News of Thursday, 22nd April 2021

હવે કેટરીનાને તેમાં રસ નથી

કેટરીના કૈફને ડાન્સ ખુબ જ પસંદ છે. તે ફિલ્મોમાં ડાન્સ કરવાની એકપણ તક જવા દેતી નથી. કેટરીના અભિનીત ફિલ્મોમાં દર્શકો તેનો યાદગાર ડાન્સ જોઇ ચુકયા છે. કેટરીનાએ પોતાના ડાન્સ પ્રત્યેના અનહદ પ્રેમને કારણે આઇટમ નંબર પણ કર્યા હતાં. શીલા કી જવાની અને ચિકની ચમેલી જેવા કેટરીનાના સુપરહીટ આઇટમ સોંગ આજે પણ લોકોને યાદ છે. કેટરીનાના  આ ગીતોમાં શરીરના અંગમરોડ અને માદકતા જોઇ દર્શકો હક્કાબક્કા થઇ ગયા હતાં. કેટલાકે તો કેટરીનાના આ ગીતોની આલોચના પણ કરી હતી. તાજેતરમાં જ એક નિર્માતાએ પોતાની આગામી ફિલ્મ માટે કેટરીનાને આઇટમ સોંગ કરવા ઓફર કરી હતી. પરંતુ તેણે આ ઓફર ઠુકરાવી દીધી હતી. કોરોનાથી કેટરીના સંક્રમિત નહોતી થઇ એ વખતે આ ઓફર તેને મળી હતી. ખુબ મોટી રકમની ઓફર હતી છતાં કેટરીનાએ ના પાડી દીધી હતી.  કેટરીનાના નજીકના લોકોએ કહ્યું હતું કે હવે તેને આઇટમ સોંગમાં રસ નથી. કેટરીનાની આગામી ફિલ્મોમાં સૂર્યવંશી અને ફોનભૂત ચર્ચામાં છે.

(10:17 am IST)
  • કલેકટરની અપીલ : હળવા લક્ષણ ધરાવતા લોકો રેમડેસીવીર ઈન્જેકશનનો આગ્રહ ન રાખે : રાજકોટના ડોકટરો પણ ખોટુ દબાણ ન લઈ આવે : એન્ટીજન ટેસ્ટ પોઝીટીવ આવ્યો હોય એટલે ગભરાવવાની જરૂર નથી : ખોટી રીતે ઈન્જેકશન ન મેળવે : ડોકટરો પણ લોકોના દબાણથી થાકીને ઈન્જેકશન લખી આપે છે : રાજકોટમાં ફેબી ફલુ ટેબ્લેટનો પૂરતો સ્ટોક છે : સિવિલમાં ઓકિસજન જરૂરીયાતવાળા ૨૫૦ જેટલા ગંભીર દર્દીઓ છે : પગાર વધારા થયા બાદ ડોકટરો અને સ્ટાફ વધવા માંડ્યો છે : ૨ થી ૩ દિવસમાં ઈન્ડિયન મેડીકલ એસોસીએશન દ્વારા ટેલી મેડીશ્યન અને ટેલી મેન્ટરી સેવા પણ ચાલુ થઈ જશે : રાજકોટમાં ઓકિસજનની અછત છે પણ અમે મગાવી રહ્યા છીએ : કેન્સર કોવિડ હોસ્પિટલમાં ૨૦ બેડ વેન્ટીલેટર વાળા ચાલુ થઈ ગયા છે : સિવિલ બેડ કૌભાંડમાં પોલીસ તપાસ કરી રહી છે : જે કોઈ જવાબદાર હશે એને અમે નહિં મૂકીએ : કલેકટર રેમ્યા મોહનની પત્રકારો સાથેની વાતચીતમાં જાહેરાત access_time 12:42 pm IST

  • કોરોના રોગચાળાની બીજી લહેરની પકડમાં જીવલેણ વાયરસ ઘણા દેશોને પાયમાલ કરી રહ્યો છે. પરિણામેં વૈશ્વિક સ્તરે ચેપગ્રસ્ત લોકોની સંખ્યામાં વધારો થઈ રહ્યો છે. છેલ્લા 24 કલાકમાં વિશ્વમાં આઠ લાખથી વધુ નવા કોરોના ના કેસ મળી આવ્યા અને 14 હજારથી વધુ પીડિતો દુઃખદ મૃત્યુ પામ્યા છે. અમેરિકાની જોહન્સ હોપકિન્સ યુનિવર્સિટીના ડેટા અનુસાર બુધવારે સવારે કોરોના પીડિતોનો વૈશ્વિક આંકડો વધીને 14 કરોડ 26 લાખથી વધુ થઈ ગયો છે. access_time 1:37 am IST

  • રાફેલ ફાઇટર જેટનો 5મો જથ્થો નવા 4 ફાઇટર જેટ સાથે આજે સાંજે ફ્રાન્સથી ભારત આવી પહોંચ્યો : આ સાથે હવે ભારતીય વાયુ સેના પાસે 18 રાફેલ ફાઇટર જેટની તાકાત થઈ access_time 11:35 pm IST