Gujarati News

Gujarati News

News of Friday, 22nd February 2019

તારક મહેતા કા ઉલટા ચશ્‍માના ચાહકોને સિંગાપોર જોવા મળશેઃ શુટિંગની તૈયારી શરૂ

મુંબઈ : તારક મહેતા કા ઉલ્ટા ચશ્મા સિરિયલ જેટલી જુની થઈ રહી છે એટલી લોકોને વધારેને વધારે ગમી રહી છે. લાંબા સમયથી ટેલિકાસ્ટ થઈ રહેલી આ સિરિયલ દર્શકોમાં આજે પણ એટલી જ લોકપ્રિય છે. લોકોના દિલમાં પોતાનું આ સ્થાન જાળવી રાખવા માટે મેકર્સ પણ વાર્તામાં નવાનવા ટ્વિસ્ટ ઉમેરીને એને રસપ્રદ બનાવી રહ્યા છે. હવે આ સિરિયલના ચાહકો માટે બહુ સારા સમાચાર આવ્યા છે.

ટેલિચક્કરના એક રિપોર્ટ પ્રમાણે તારક મહેતા કા ઉલ્ટા ચશ્માના મેકર્સ વિદેશમાં શૂટિંગની તૈયારી કરી રહ્યા છે અને આ માટે તેમણે સિંગાપોરની પસંદગી કરી છે. મળતી માહિતી પ્રમાણે આવતા મહિને આ શોની સ્ટારકાસ્ટ સિંગાપોર પહોંચશે અને ત્યાંના લોકેશન પર સિરિયલનું શૂટિંગ કરવામાં આવશે.

હાલમાં આ વિદેશના શૂટિંગના તૈયારી જોરશોરથી ચાલી રહી છે. આમ, સિરિયલના ચાહકો શોના માધ્યમથી સિંગાપોર ફરવાની મજા માણી શકશે. કોઈપણ પ્રકારની ટિકિટનો ખર્ચ કર્યા વગર ઘરના સોફામાં બેઠાબેઠા સિંગાપોર ફરી શકશે.

(4:42 pm IST)