Gujarati News

Gujarati News

News of Friday, 22nd January 2021

યશ પંડિત ટીવી પરદે ડોકટરના રોલમાં

ટીવી પરદા પર આવતાં અલગ-અલગ શોમાં સમયાંતરે ટ્વિસ્ટ આવતા રહે છે અને એ કારણે દર્શકો શો સાથે જોડાયેલા રહે છે. સ્ટાર પ્લસનો શો ગુમ હૈ કિસી કે પ્યાર મેં દર્શકોને પસંદ પડ્યો છે. આ શો પાંચમા રેન્ક સુધી પહોંચી ગયો હતો. હવે શોમાં નવા પાત્રની એન્ટ્રી થઇ છે. અભિનેતા યશ પંડિતની એન્ટ્રી થઇ છે. જે આ શોમાં ડો. પુલકિતનું પાત્ર ભજવી રહ્યો છે. તે મેડિકલ કોલેજના પ્રોફેસરના રોલમાં છે. જયારે દેવ્યાની ચોૈહાણ (મિતાલી નાગ દ્વારા અભિનિત) પાત્રનો તે પતિ છે. યશ પંડિતે કહ્યું હતું કે હું મારી જાતને નસિબદાર સમજુ છું કે મને આ રોલ મળ્યો. મારે ટીવી પરદે પાછુ ફરવાનું હોઇ એવા સમયે અલગ જ રોલ મને મળશે તેવી આશા ફળી છે. આ એક આદર્શ પાત્ર છે, જે મેં કદી પણ નિભાવ્યું નથી. આ તક મને બિલકુલ યોગ્ય સમય પર મળી છે. મેં મારા પાત્ર માટેની પ્રેરણા સ્પેનિશ વેબ સિરીઝ અને શિક્ષકો તથા પ્રોફેસરોમાંથી લીધી છે.

(9:58 am IST)
  • દેશમાં કોરોના હાંફી ગયો :નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 13,692 કેસ નોંધાયા :કુલ કેસની સંખ્યા 1,06,25,420 થઇ :એક્ટિવ કેસ 1,86,558 થયા: વધુ 16,288 દર્દીઓ સ્વસ્થ થતા કુલ 1,02,81,391 થયા :વધુ 147 લોકોના મોત સાથે કુલ મૃત્યુઆંક 1,53,053 થયા access_time 1:02 am IST

  • પૂર્વ ધારાસભ્ય ભૂપેન્દ્ર ખાંટનું દુઃખદ અવસાન: ગાંધીનગર: મોરવા હડફના પૂર્વ ધારાસભ્ય ભૂપેન્દ્ર ખાંટનું લાંબી માંદગી બાદ દુઃખદ અવસાન થયું છે access_time 11:43 am IST

  • રામ મંદિર નિર્માણ માટે વિજયભાઈએ ૫ લાખ અને રામભાઈ મોકરિયાએ ૧૧ લાખ જાહેર કર્યા: મુખ્યમંત્રી વિજયભાઈ રૂપાણીએ આજે રાજકોટ ખાતે શ્રેષ્ઠઈઓની બેઠકમાં અયોધ્યામાં રામ મંદિર નિર્માણ માટે પાંચ લાખ રૂપિયાના દાનની જાહેરાત કરી છે, જ્યારે મારુતિ કુરિયર પ્રાઇવેટ લિમિટેડના શ્રી રામભાઈ મોકરિયાએ રામ મંદિર નિર્માણ માટે ૧૧ લાખ રૂપિયાની જાહેરાત કરી હતી. access_time 12:19 am IST