Gujarati News

મુંબઇઃ કોફી વિથ કરણની સીઝન ૬માં કરણ જૌહર વાતચીત દરમિયાન રાજકુમાર રાવને પૂછે છે કે, જો તને તક મળે તો કયા એક્ટર સાથે ગેનું પાત્ર ભજવવા માંગીશ? આ સવાલના જવાબમાં રાવે કહ્યું કે, બોમ્બે વેલવેટ બાદ તમે કોઈ ફિલ્મ નથી કરી રહ્યા ને? તો તરત કરણ બોલ્યો કે, હુ સફળ એક્ટરની વાત કરી રહ્યો છું.

આ પ્રોમોમાં કરણના સવાલોનો રાવ હાજરજવાબી થઈને જવાબ આપી રહ્યો છે. કહેવામાં આવી શકાય છે કે, ફિલ્મી દુનિયાની આ બંને હસ્તીઓની વચ્ચે ઉમદા કેમેસ્ટ્રી છે.

આ વીડિયોમાં કોઈ વાતને લઈને કરણ જૌહર રાજકુમાર રાવને પોતાના કપડા અને એસેસરીઝની કિંમત ગણાવતા નજર આવ્યા હતા. પોતાના શૂઝને બતાવતા કરણ કહે છે કે, આ તારી સ્કૂલની ફી બરાબર છે. પોતાનું જેકેટ બતાવીને તે રાજકુમાર રાવને કહે છે કે, આ જેકેટ તમે ઈએમઆઈ એટલે કે હપ્તા પર ખરીદી શકશે. આ સાંભળીને હાજરજવાબી રાવે હાથનો પંજો બતાવીને કહ્યું કે, શું તમે જાણો છો કે ઈન્કમટેક્સ ડિપાર્ટમેન્ટ બરાબર છે. આ સાંભળીને બાજુમાં બેસેલી ભૂમિ પેંડનેકર પોતાને હસતુ રોકી ન શકી.