Gujarati News

Gujarati News

News of Tuesday, 22nd January 2019

જેવી રીતે અભિષેકને નફરતનો સામનો કરવો પડ્યો છે તે ડરામણુ છેઃ શ્વેતા બચ્ચન પોતાના બાળકોને ફિલ્મ ઇન્‍ડસ્‍ટ્રીઝમાં ઝંપલાવવા નહીં દે

 

Photo: 237721-h

મુંબઇઃ બચ્ચન પરિવારના બે મુખ્ય સદસ્યો અભિષેક બચ્ચન અને શ્વેતા બચ્ચન નંદા કોફી વીથ કરણ નામના શોમાં સામેલ થયા હતા.

અભિષેક અને શ્વેતા કોઈ શોમાં પહેલીવાર એકસાથે પહોંચ્યા હતા. કરણ જોહર અને બચ્ચન પરિવારનો જૂનો સંબંધ છે અને શ્વેતા, કરણ અને અભિષેક ખૂબ જ જૂના મિત્રો છે. આ દરમિયાન કોઈ ઘણી એવી વાતો સામે આવી જે કદાચ પબ્લિકમાં સામે આવી નથી.

શ્વેતા, અભિષેકથી ઉંમરમાં બે વર્ષ મોટી છે અને તે અભિષેક સાથે અમેરિકામાં અભ્યાસ દમિયાન રહી ચૂકી છે. એવામાં તે અભિષેકને લઈને ઘણી પ્રોટેક્ટિવ છે. કરણ જોહરે જ્યારે શ્વેતાને પૂછ્યું કે પોતાના બાળકોને બોલિવૂડમાં જાય તે કેમ ઈચ્છતી નથી તેના પર શ્વેતાએ અભિષેકને ઉદાહરણ આપ્યું. શ્વેતાએ કહ્યું કે જેવી રીતે અભિષેકને નફરતનો સામનો કરવો પડ્યો છે તે ડરામણું છે.

શ્વેતાએ જણાવ્યું કે લોકો જેવા પ્રકારની વાતો અભિષેક બચ્ચન વિશે સોશિયલ મીડિયામાં લખે છે કે તે પોતાના બાળકો માટે આવી વાતોનો ક્યારેય સામનો કરવા નહીં ઈચ્છે. શ્વેતાએ કહ્યું કે અભિષેકમાં ઘણી હિંમત છે કે તે લોકોની આટલી વાત સાંભળી લે છે અને તેના પર રિએક્ટ નથી કરતો. પરંતુ તે પોતાના બાળકો માટે આવું ક્યારેય નહીં સાંભળી શકે.

તો એના પર અભિષેકે કહ્યું કે, ઘણીવાર લોકો સોશિયલ મીડિયામાં પોતાની તમામ હદ પાર કરી નાખે છે અને સ્ટાર હોવાથી તેને બધી વાતો સાંભળવી પડે છે. અભિષેકે જણાવ્યું કે તેને હવે આ વાતોની આદત પડી ગઈ છે. આ શો દરમિયાન એવી ઘણી વાતો સામે આવી. જે મુજબ ઘરમાં જયા બચ્ચન આગળ કોઈનું ચાલતું નથી.

(5:22 pm IST)
  • BJP ના ધારાસભ્યનું માથુ લાવોઃ લઇ જાવ ૫૦ લાખ : બસપાના પૂર્વ ધારાસભ્ય વિજય યાદવનું એલાનઃ માયાવતી વિષે જેમ તેમ બોલનાર સાધના સિંહનું કોઇ માથુ કાપીને લાવશે તો હું તેને ૫૦ લાખ આપીશઃ ભાજપે માયાવતી અને દેશની માફી માંગવી જોઇએ નહિતર અમે આંદોલન કરશું access_time 3:32 pm IST

  • પ્રયાગરાજના કુંભમેળામાં 'પોષ પૂર્ણિમા'ના પાવન પ્રસંગે 1 કરોડથી વધુ ભાવિકોએ લગાવી શ્રદ્ધાની ડૂબકી:કુંભ મેળાના આયોજક અધિકારી કિરણ આનંદે કહ્યું કે કુંભ મેળાના બીજા સ્નાન પર્વ પોષ પૂર્ણિમાના પ્રસંગે 1 કરોડ 7 લાખ લોકોએ સ્નાન કર્યું હતું access_time 1:13 am IST

  • cctv વિડીયો ફૂટેજ : સલામ છે આ ટ્રક દ્રાઈવરની ગૌ ભક્તિને : જૂનાગઢ - મેંદરડા હાઇવે પર ખોડીયારના પાટિયા પાસે એક ગાય રોડ પર જતી હતી અને સામેથી પુરપાટ આવતા એક ટ્રકે એવું કંઈક કર્યું જે ત્યાં લાગેલા એક cctvમાં કેદ થઈ ગયું : આ cctv ફૂટેજ કોઈ બોલિવુડ ફિલ્મના સીનથી ઓછો ઉતરે તેમ નથી : રસ્તે ચાલતી ગાયને બચાવવા, પોતાના જીવના જોખમે, ટ્રક દ્રાઈવરે એટલી જોશથી બ્રેક મારી હતી કે ટ્રક આખો 360 ડિગ્રીએ ફરી ગયો હતો : (વિડીયો - સ્પીડ રિપોર્ટ) access_time 2:02 pm IST