Gujarati News

Gujarati News

News of Tuesday, 22nd January 2019

રાજવી પૃથ્વીરાજ ચૌહાણનો રોલ કરશે અક્ષય કુમાર

મુંબઈ:બોલિવૂડનો મોખરાનો એક્શન અને કોમેડી સ્ટાર અક્ષય કુમારજ ઇતિહાસ પ્રસિદ્ધ લડાયક રાજવી પૃથ્વીરાજ ચૌહાણનો રોલ કરશે એવા સમાચારને  ખુદ ફિલ્મ સર્જક તરફથી સમર્થન સાંપડયું હતું.હાલ અક્ષય ખમતીધર ફિલ્મ સર્જક કરણ જોહરની કેસરી ફિલ્મ કરી રહ્યો છે જે બેટલ ઑફ સારગઢીની કથા પર આધારિત છે. હવે એને પૃથ્વીરાજ ચૌહાણના રોલ માટે સાઇન કરવામાં આવતાં આ એની બીજી ઐતિહાસિક ફિલ્મ બની હતી.ચાણક્ય ફેમ અભિનેતા અને ફિલ્મ સર્જક ચંદ્રપ્રકાશ દ્વિવેદીએ અક્ષય કુમારને પૃથ્વીરાજ ચૌહાણના રોલ માટે સાઇન કર્યો હોવાના સમાચારને સમર્થન આપ્યું હતું.૨૦૧૯નું વર્ષ અક્ષય કુમાર માટે સતત બીઝી રાખનારું બની રહે એવી શક્યતા છે. આ વર્ષે એની એક સાથે ચાર પાંચ ફિલ્મો રજૂ થવાની છે. હોળી પર કેસરી રજૂ થશે તો જુલાઇમાં ગૂડ ન્યૂઝ રજૂ થવાની છે.૧૫ ઑગષ્ટે આઝાદી દિને મિશન મંગળ રજૂ થશે તો દિવાળી પર સુપરહિટ કોમેડી સિરિઝ હાઉસફૂલની ચોથી કડી રજૂ થવાની છે. વર્ષની આખરે ક્રિસમસ પર સૂર્યવંશી રજૂ થશે. આમ ચાલુ વરસે અક્ષય કુમારની પાંચ પાંચ ફિલ્મો રજૂ થશે. અત્યાર સુધી અક્ષય ખાન કલાકારોને પણ હંફાવતો આવ્યો છે. એની મોટા ભાગની ફિલ્મો ટિકિટબારી પર હિટ નીવડી છે. આ વરસે એ કેવોક દેખાવ કરે છે એ જોવાનું રસપ્રદ બની રહેશે.

(4:37 pm IST)
  • વિડીયો : ક્યાં જઈ રહ્યો છે આજનો યુવાવર્ગ ? : રાજકોટના યાજ્ઞિક રોડ સ્થિત ધર્મેન્દ્રસિંહજી કોલેજના કેમ્પસમાં ભરબપોરે વિદ્યાર્થીઓના બે જૂથ વચ્ચે થયું ધીંગાણું : અગમ્ય કારણોસર વિધાયર્થીઓના આ બન્ને જૂથે કરી ધોકા, હોકી સ્ટિક અને પાઇપ વડે ભારે મારામારી : સમગ્ર ઘટના cctvમાં થઇ કેદ : એ ડિવિઝન પોલીસે ઘટનાસ્થળે પહોંચી વધુ તપાસ હાથ ધરી (વિડીયો - સ્પીડ રિપોર્ટ) access_time 5:19 pm IST

  • ભુવનેશ્વરમાં ભાજપની મહિલા કાર્યકર્તા અને પોલીસ વચ્ચે ઘર્ષણ :ઓડિશાની રાજધાની ભુવનેશ્વરમાં ભાજપની મહિલા મોરચાની કાર્યકર્તા અને પોલીસ વચ્ચે મારામારી :એક વાયરલ વીડિયોમાં બંને પક્ષો વચ્ચે છૂટ્ટા હાથની મારામારી :પિપિલી ગેંગરેપ અને હત્યા કેસ મામલે વિરોધ પ્રદર્શન વેળાએ ઘર્ષણ access_time 12:53 am IST

  • જેતપુરમાં એક્ટિવા સવાર કોલેજની વિદ્યાર્થિનીનું ટ્રક અડેફેટે કરૂણમોત : જુનાગઢ રોડ પર એક્ટિવા લઇને જતી વિદ્યાર્થીનીને ટ્રકે અડફેટે લેતાઘટના સ્થળે જ મોત : બંશી નામની વિદ્યાર્થીનીના જન્મ દિવસે જ મોત થતા જન્મદિવસની ઉજવણી માતમમાં બદલાઈ access_time 1:01 am IST