Gujarati News

વિરાટ કોહલી સાથે લગ્ન બાદ અનુષ્કા શર્મા ફરીથી કામે વળગી ગઇ છે. અનુષ્કાની આગામી ફિલ્મ 'પરી' આવી રહી છે. જેનું ટીઝર તેણે હમણા જ લોન્ચ કર્યુ છે. અનુષ્કા પોતાના પ્રોડકશન કલીન સ્લેટ ફિલ્મ્સ બેનર હેઠળ આ ફિલ્મ બનાવી રહી છે. અનુષ્કા ટીઝરમાં ખુબ જ ડરામણી લાગી રહી છે. જેમાં અનુષ્કા એકીટશે કોઇની સામે જોઇ રહેલી દેખાય છે. તેના ચહેરા, આંખ અને ગરદન પર લોહીના ડાઘ છે. આ અત્યંત ભયાનક લાગે છે. અનુષ્કાએ કેપ્શનમાં લખ્યું છે-સ્વીટ ડ્રીમ્ઝ ગાઇઝ...હોલી વીથ પરી. આ જોતાં ફિલ્મ હોળીના તહેવાર આસપાસ રિલીઝ થાય તેમ લાગે છે. અનુષ્કાની આ ફિલ્મ હોરર છે. સારા અલી ખાન પણ કદાચ ફિલ્મમાં જોવા મળશે. આ પહેલા અનુષ્કાએ એનએચ-૧૦ બનાવી હતી. પરી આવતા મહિને રિલીઝ થવાની હતી. પણ હવે માર્ચમાં આવશે.