Gujarati News

બોલીવુડ એક્ટ્રેસ પ્રિયંકા ચોપરા અને મંગેતર નિક જોનાસ હાલ તેમના લગ્નને લઇને ચર્ચામાં છે. તેવામાં હવે પ્રિયંકાના લગ્નની તૈયારીઓ શરૂ થઇ ગઇ છે. તાજેતરમાં જ બંનેના લગ્નને લઇને નવી ડિટેઇલ્સ સામે આવી છે. કહેવામાં આવી રહ્યું છે કે 29 નવેમ્બરથી તેમના લગ્નના રિવાજો શરૂ થઇ જશે. હકીકતમાં પ્રિયંકા હાલ ‘સ્કાય ઇઝ પિંક’નું શુટિંગ કરી રહી છે.

   પ્રિયંકા 25-26 નવેમ્બરે ફિલ્મનું શુટિંગ પૂરુ કરશે. 27 તારીખે તે એક ચેરિટી ઇવેન્ટનો હિસ્સો બનશે અને 28 નવેમ્બરે જોધપુર રવાના થશે. જે બાદ લગ્નના ફંક્શન્સ શરૂ થશે. જાણવા મળી રહ્યું છે કે લગ્ન હિન્દુ અને ખ્રિસ્તી રિતીરિવાજો પ્રમાણે થશે. આ લગ્ન જોધપુરના ઉમ્મેદ ભવનમાં થશે

  એક અહેવાલ અનુસાર 2 ડિસેમ્બરે હિન્દુ રીતિરિવાજો પ્રમાણે લગ્ન થશે.સાથે જ 3 તારીખે બંને ખ્રિસ્તી રિતીરિવાજો પ્રમાણે લગ્નના બંધનમાં બંધાશે. આ બંને સેરેમની એક જ વેન્યૂ પર થશે. જોધપુરમાં બંનેના લગ્નની તૈયારીઓ જોરશોરથી ચાલી રહી છે. તેવામાં ખબર મળી રહી છે કે વીકેન્ડ પર નિક પણ પોતાના પરિવાર સાથે ભારત આવી શકે છે.