Gujarati News

Gujarati News

News of Monday, 21st September 2020

9 ઓક્ટોબરના નેટફ્લિક્સ પર રિલીઝ થશે યામી ગૌતમ અને વિક્રાંત મેસીની રોમાન્ટિક કોમેડી ફિલ્મ 'ગિન્ની વેડ્સ સની' : પહેલું સોન્ગ 'લોલ' પણ થયું રિલીઝ

મુંબઈ: યામી ગૌતમ અને વિક્રાંત મેસીની ફિલ્મ 'ગિન્ની વેડ્સ સની'ની રિલીઝ ડેટ સામે આવી  છે. 'ગિન્ની વેડ્સ સન્ની'ના નિર્દેશક પુનીત ખન્ના છે. ફિલ્મ 'ગિની વેડ્સ સન્ની' 9 ઓક્ટોબરના રોજ નેટફ્લિક્સ પર રિલીઝ થશે. ફિલ્મની બંનેની પહેલી ઝલક સાથે રિલીઝ ડેટની ઘોષણા કરવામાં આવી છે. તરણ આદર્શે ટ્વીટર પર આ પોસ્ટર શેર કર્યું હતું અને લખ્યું છે - 'રિલીઝ ડેટ ફાઇનલ ...' ગિન્ની વેડ્સ સની 'યામી ગૌતમ અને વિક્રાંત મેસી ભજવી રહ્યા છે. પુનીત ખન્ના નિર્દેશિત આ ફિલ્મનું પ્રીમિયર 9 ઓક્ટોબર 2020 ના રોજ નેટફ્લિક્સ પર આવશે. 'યામી ગૌતમ અને વિક્રાંત મેસીએ આ ફિલ્મમાં પહેલીવાર સાથે કામ કર્યું છે. ફિલ્મ 'ગિન્ની વેડ્સ સન્ની' નું પહેલું ગીત રિલીઝ થઈ ગયું છે. સોની મ્યુઝિક ઇન્ડિયાના બેનર હેઠળ આ ગીત રજૂ કરવામાં આવ્યું છે. આ ગીત કૃણાલ વર્માએ લખ્યું છે. આ ગીત પાયલ દેવ દ્વારા કમ્પોઝ કરવામાં આવ્યું છે અને દેવ નેગીની સાથે ગાયું પણ છે. 'ગિન્ની વેડ્સ સની' એક રોમેન્ટિક કોમેડી ફિલ્મ છે. આ ફિલ્મમાં વિક્રાંત મેસી સનીની ભૂમિકામાં છે, જ્યારે યામી ગૌતમ ગિન્નીમાં જોવા મળશે. આ ફિલ્મમાં અભિનેતા વિક્રાંત મેસી કલાપ્રેમી રસોઇયાની ભૂમિકામાં છે. ફિલ્મની પટકથા નવજોત ગુલાતી અને સુમિત અરોરાએ લખી છે. બ્યુટી પ્રોડક્શનના બેનર હેઠળ બનેલી આ ફિલ્મનું નિર્માણ વિનોદ બચ્ચને કર્યું છે. પુનીત ખન્ના દિગ્દર્શિત ગિન્ની વેડ્સ સની 9 ઓક્ટોબરના રોજ નેટફ્લિક્સ પર રિલીઝ થશે.

(5:15 pm IST)
  • કોવિદ-19 ને કારણે બંધ કરાયેલી દેશની 14 લાખ જેટલી આંગણવાડી ફરીથી ચાલુ કરાવો : બાળકો માટે પોષણયુક્ત આહારની વ્યવસ્થા અટકી ગઈ છે : સુપ્રીમ કોર્ટમાં જાહેર હિતની અરજી દાખલ : કોર્ટએ કેન્દ્ર તથા રાજ્ય સરકારો પાસે ખુલાસો માંગ્યો access_time 6:00 pm IST

  • અત્યારે રાત્રે 10:45 વાગે ઈન્સેટ તસવીરમાં સૌરાષ્ટ્ર ગુજરાત ઉપર પ્રચંડ વાદળા છવાયેલા જોવા મળે છે. રાજકોટ ઉપર વાદળાઓની ભયંકર ગડગડાટી થઈ રહી છે.. access_time 11:04 pm IST

  • જેતપુર: જેતપુરથી ગોંડલ તરફ વીજળી ના કડાકા ભડાકા - પવન સાથે વરસાદ તૂટી પડયો છે. આખો દિવસ બફારો રહ્યા બાદ મેઘરાજાનું આગમન થતાં ગરમીમાંથી રાહત મળી છે : શહેરમાં બપોર સુધી ભારે બફારા બાદ ૩:૪૫વાગ્યા થી વીજળી ના કડાકા ભડાકા સાથે વરસાદ તુટી પડયો હતો. વરસાદી પાણી રસ્તા ઉપર ફરી વળ્યા હતા access_time 4:21 pm IST