Gujarati News

બોલીવૂડમાં અમુક નિર્માતા એવા છે જે દર્શકો માટે ખાસ ફિલ્મો બનાવવા માટે જાણીતા છે. યશરાજ ફિલ્મ્સ પણ પોતાના દર્શકો માટે ખાસ અને મજેદાર ફિલ્મો લાવતું રહે છે. આ બેનરે હવે નિર્દેશક ઇન્દ્રકુમાર સાથે હાથ મિલાવ્યો છે. હવે આ બંને મળીને કોમેડી ફિલ્મ બનાવશે. ઇન્દ્ર કુમારે મસ્તી, ગ્રાન્ડ મસ્તી જેવી એડલ્ટ ફિલ્મો પણ આપી છે. જો કે આદિત્ય ચોપડા ઇન્દ્ર કુમાર સાથે મળી પારિવારીક કોમેડી બનાવશે. 

ઇન્દ્ર આ વખતે પણ અગાઉ ઇશ્ક, ધમાલ જેવી કલીન કોમેડી આપશે. યશરાજ બેનર્સ દ્વારા આ ફિલ્મ માટે ટેલેન્ટ એજન્સીના કલાકારોને પસંદ કરવામાં આવશે. એટલે કે મોટા સ્ટાર્સની હાજરી હશે કે નહિ તે નક્કી નથી. નવા કલાકારો સાથે આ ફિલ્મ કેટલી મજેદાર બનશે તે જોવું રહ્યું. આવતા મહિનાથી ફિલ્મની તૈયારી શરૂ થઇ જશે. યશરાજ બેનર્સની ઠગ્સ ઓફ હિન્દોસ્તાન અને શમશેરા પણ બની રહી છે.