Gujarati News

Gujarati News

News of Monday, 21st May 2018

નવાઝુદ્દીન સિદ્દીકી સાથે ફિલ્મ કરવાની તાપસી પન્નૂએ કહી ના

મુંબઇ:પેરેલલ ફિલ્મની અભિનેત્રી ગણાતી અને જુડવા ટુ પછી કમર્શિયલ ફિલ્મોમાં પણ દેખાતી થયેલી અભિનેત્રી તાપસી પન્નુએ તાજેતરમાં નવાઝુદ્દીન સિદ્દીકી સાથે એક ફિલ્મ કરવાની ઑફર સવિનય નકારી કાઢી હોવાની માહિતી મળી હતી.

પિન્ક પછી નામ શબાના અને જુડવા ટુ કર્યા બાદ તાપસી ટોચની અભિનેત્રીઓની યાદીમાં આવી ગઇ હતી. એની નિકટનાં સૂત્રોએ કહ્યું કે પોતાની ફિલ્મોની પસંદગી બાબતમાં તાપસી એકદમ સ્પષ્ટ છે. એને કેવી ફિલ્મ કરવી છે અને કોની સાથે કરવી છે બાબતમાં જરાય બંધછોડ કરતી નથી.વિશાલ ભારદ્વાજની ફિલ્મ સપના દીદીથી ડાયરેક્ટર તરીકે નસીબ અજમાવનારા કાસ્ટિંગ ડાયરેક્ટર હની ત્રેહાને સપના દીદી છોડી દીધી હતી. ઇરફાન ખાન બીમાર પડતાં સારવાર માટે વિદેશ રવાના થયો હતો અને અહીં દીપિકા પાદુકોણને પણ બેક પેઇન હતું એટલે વિશાલે સપના દીદી મોકૂફ રાખતાં હનીએ ફિલ્મ છોડી દીધી હતી. એને બદલે નવાઝુદ્દીન સાથે એેક ફિલ્મ બનાવવાનું પ્લાનિંગ કરી રહ્યા હતા. ફિલ્મની ઑફર તેમણે તાપસીને કરી હતી પરંતુ તાપસીએ સવિનય ના પાડી દીધી હતી.

(3:38 pm IST)
  • ગુજરાતમાં ધોરણ-3ના 41 ટકા વિદ્યાર્થીઓ 999 સુધીના આંકડા લખી અને વાંચી શકતા નથી. ધોરણ - 5ના 41 ટકા વિદ્યાર્થીઓ 1000થી મોટા આંકડા લખી-વાંચી શકતા નથી. ધોરણ 3,5 અને 8ના 40 ટકા વિદ્યાર્થીઓ ગણિત, પર્યાવરણ અને ભાષાના જવાબ આપી શકતા નથી. ધોરણ-3ના 50 ટકા, ધોરણ 5માં 53 ટકા શિક્ષકો ભણ્યા હોય તેનાથી જુદો વિષય ભણાવે છે તેમ ગુજરાત કોંગ્રેસના પ્રવક્તા ડો. મનિષ દોશીએ જણાવ્યું હતું. access_time 6:19 am IST

  • લોકશાહી બચાવવા તમામ પક્ષોએ એકજુથ થવું જરૂરી :2019માં ભાજપને હરાવવા આમઆદમી પાર્ટી તમામ વિપક્ષ સાથે મળીને લડશે :આજે બંધારણ ખતરામાં છે અને તેને બચાવવું સમયની માંગ છે :આપના સાંસદ સંજયસિંહએ કહ્યું કે કુમારસ્વામીના શપથ સમારોહમાં આપ પાર્ટી જોડાશે access_time 1:38 am IST

  • ઋષિકેશ-ચારધામ યાત્રામાં 90 નવી બસ સામેલ કરાશે : ચારધામ યાત્રા જોરશોરથી શરુ છે એવામાં પરિવહન વિભાગ પણ પોતાની તરફથી યાત્રાના સફળ સંચાલન માટે ગંભીર છે ચાર ધામ યાત્રામાં આવેલા યાત્રિકોને કોઈ સમસ્યા થાય નહીં એટલા માટે પરિવહન નિગમ બસનો નવો કાફલો જોડવા જઈ રહયું છે access_time 5:43 am IST