Gujarati News

Gujarati News

News of Monday, 21st May 2018

હવે મીના કુમારીની ભૂમિકા અદા કરવા સની તૈયાર થઇ

સની લિયોન વિતેલા વર્ષોની મહાન અભિનેત્રીની લાઇફ પર આધારિત ફિલ્મમાં કામ કરવા માટે તૈયાર : રિપોર્ટ

મુંબઇ,તા. ૨૧: બોલિવુડમાં ધીમે ધીમે લોકપ્રિય સ્ટાર તરીકે ઉભરી રહેલી સેક્સી સ્ટાર સની લિયોન હવે પડકારરૂપ ભૂમિકા અદા કરી રહી છે. તે મીનાકુમારીની લાઇફ પર બની રહેલી ફિલ્મમાં કામ કરશે. આના માટે તે તૈયાર  થઇ ગઇ છે.  તેને હાલમાં મોટી ઓફર મળી હોવાના હેવાલ મળ્યા છે. આ ઓફર મળ્યા બાદ તેની કેરિયરમાં ટર્નિંગ પોઇન્ટ આવી શકે છે. પ્રાપ્ત અહેવાલ મુજબ મીના કુમારીની ભૂમિકા અદા કરવા માટે અનેક ટોપની અભિનેત્રીઓને ઓફર કરવામાં આવી હતી. આ ઓફરને વિદ્યા બાલન જેવી અભિનેત્રી ફગાવી ચુકી છે. હકીકતમાં વિદ્યા બાલનને તુમ્હારી સુલુની સફળતા બાદ દિગ્ગજ અભિનેત્રી મીના કુમારીની બાયોપિક ફિલ્મમાં કામ કરવાની તક મળી હતી. જો કે વિદ્યા બાલને આ રોલ કરવાનો ઇન્કાર કરી દીધો હતો. એમ કહેવામાં આવે છે કે વિદ્યા બાલન પહેલા આ રોલની ઓફર માધુરી દિક્ષિતને પણ કરવામાં આવી હતી. જો કે વિદ્યા બાલન અને માધુરીએ રોલને કરવાનો ઇન્કાર કર્યો હતો. રિપોર્ટસ મુજબ હવે રાઇટર અને નિર્દેશક કરણ રાજદાને પટકથાને લઇને સની લિયોનની પાસે પહોંચ્યા હતા. એમ માનવામાં આવે છે કે ફિલ્મની પટકથા સની લિયોનને ખુબ પસંદ પડી છે. તે હવે મીના કુમારીના રોલમાં નજરે પડી શકે છે. હાલમાં સની લિયોનની રજૂ થયેલી ફિલ્મ તેરા ઇન્તજાર બોક્સ ઓફિસ પર ફ્લોપ સાબિત થઇ હતી. ફિલ્મમાં તેની સાથે અરબાજે ખાને ભૂમિકા અદા કરી હતી. સની લિયોન હાલમાં સાઉથની ફિલ્મોમાં પણ કામ કરી રહી છે. સની લિયોનની પાસે સતત સારી ફિલ્મો હાથમાં  આવી રહી છે. શાહરૂખ ખાનની રઇસ ફિલ્મમાં તે આઇટમ સોંગ કરવામાં સફળત રહી હતી.

 

(1:08 pm IST)
  • રાજકોટ : શાપરમાં યુવાનને ઢોરમાર મારી હત્યા નિપજાવવાનાં મામલે પોલીસે 4 આરોપી, ચિરાગ વોરા, દિવ્યેશ વોરા, જયસુખ રાદડિયા અને તેજસ ઝાલા નામના શખ્શોની કરી ધરપકડ : મારકૂટના cctv ફૂટેજનો વિડીયો સોશ્યલ મીડિયામાં ધૂમ થયો છે વાયરલ access_time 11:20 am IST

  • સુરેન્દ્રનગર : વઢવાણ તાલુકાના સાંકળી ગામે વિજ ચેકીંગમા ગયેલ PGVCL ટીમ પર ગ્રામજનોએ કર્યો પથ્થરમારો access_time 11:18 am IST

  • કોંગી ધારાસભ્યે ખોલી પાર્ટીની પોલ :મારી પત્ની અને કોઈ ભાજપ નેતા વચ્ચે વાતચીત થઇ નથી :કોંગ્રેસના ધારાસભ્ય શિવરામ હેબબરે કહ્યું આવી કોઈપણ ઓડીઓ ટેપ નકલી :કોંગ્રસે એક ઓડીઓ ટેપ જાહેર કરીને દાવો કર્યો હતો કે ભાજપે હેબરનું સમર્થન હાંસલ કરવાના બદલામાં તેની પત્નીને 15 કરોડની ઓફર કરી છે access_time 7:35 pm IST