Gujarati News

Gujarati News

News of Monday, 21st May 2018

'હેપ્પી ફીર ભાગ જાયેગી'નું શુટીંગ પુરૂઃ સોનાક્ષીને રિલીઝની રાહ

બે વર્ષ પહેલા આવેલી રોમ-કોમ ફિલ્મ હેપ્પી ભાગ જાયેગીની સિકવલ હેપ્પી ફિર ભાગ જાયેગીનું શુટીંગ પુરૂ થઇ ગયું છે. પહેલા ભાગની સફળતા પછી નિર્માતાઓએ બીજો ભાગ બનાવવાની ઘોષણા કરતાં જ ચાહકો ખુશ થઇ ગયા હતાં. હેપ્પી ફીર ભાગ જાયેગી ફિલ્મમાં મુખ્ય ભૂમિકા સોનાક્ષી સિન્હાને મળી છે.

આ ફિલ્મમાં રોલ મળતાં જ સોનાક્ષી ખુશ થઇ ગઇ હતી. પહેલા ભાગમાં મુખ્ય રોલ ડાયેના પેન્ટીને મળ્યો હતો. આ ફિલ્મમાં સોનાક્ષી સાથે ડાયેના પણ જોવા મળશે. નિર્દેશક મુદસ્સર અઝીઝની આ ફિલ્મનું શુટીંગ તાજેતરમાં પુરૂ થયું છે. સોનાક્ષીએ સોશિયલ મીડીયા પર લખ્યું હતું કે શુટીંગ પુરૂ થયું છે, સમગ્ર ટીમ સાથેની સફર ખુબ શાનદાર હતી. સોૈનો આભાર. હવે હું ૨૪મી ઓગષ્ટની રાહ જોઇ રહી છું.

(9:28 am IST)
  • પાકિસ્તાનના પંજાબ પ્રાંતની સરકારે રાવલપિંડીમાં સ્થિત કૃષ્ણ મંદિરના નવીનીકરણ અને તે વિસ્તરણ કરવા માટે બે કરોડ રૂપિયાની રકમ ફાળવી છે. આ જાણકારી 20 મેએ મીડિયાની એક રિપોર્ટમાં આપવામાં આવી હતી. રાવલપિંડી અને ઈસ્લામાબાદ શહેરોમાં માત્ર કૃષ્ણ મંદિર જ એકમાત્ર હિન્દુ મંદિર છે જે શ્રદ્ધાળુઓ માટે ખુલ્લું છે. મંદિરમાં રોજ સવાર-સાંજ આરતી કરવામાં આવે છે. access_time 6:19 am IST

  • ગુજરાતમાં ધોરણ-3ના 41 ટકા વિદ્યાર્થીઓ 999 સુધીના આંકડા લખી અને વાંચી શકતા નથી. ધોરણ - 5ના 41 ટકા વિદ્યાર્થીઓ 1000થી મોટા આંકડા લખી-વાંચી શકતા નથી. ધોરણ 3,5 અને 8ના 40 ટકા વિદ્યાર્થીઓ ગણિત, પર્યાવરણ અને ભાષાના જવાબ આપી શકતા નથી. ધોરણ-3ના 50 ટકા, ધોરણ 5માં 53 ટકા શિક્ષકો ભણ્યા હોય તેનાથી જુદો વિષય ભણાવે છે તેમ ગુજરાત કોંગ્રેસના પ્રવક્તા ડો. મનિષ દોશીએ જણાવ્યું હતું. access_time 6:19 am IST

  • બુખારીએ દિલ્હી હાઇકોર્ટને કહ્યું મુગલ બાદશાહ શાહજહાંએ આપી હતી ઈમામની પદવી :જમા મસ્જિદના શાહી ઇમામ મૌલાના સૈયદ અહમદ બુખારીએ મસ્જિદમાં પોતાના પુત્રને ઉત્તરાધિકારી બનાવવાના નિર્ણયનો બચાવ કરતા કહ્યું કે આ પદવી પહેલા ઇમામને મુગલ બાદશાહ શાહજહાંએ આપી હતી અને વર્ષોથી તેમના પરિવારને જ ઇમામ બનાવાય છે જે હજુ સુધી કાનૂની વિવાદમાં નથી access_time 1:39 am IST