Gujarati News

Gujarati News

News of Wednesday, 21st March 2018

હોલીવુડની ફિલ્મ 'ડેડપુલ ટુ'માં ડબિંગ કરવાનું ના કહ્યું રણવીર સિંહે

મુંબઇ: હોલિવૂડની માતબર ફિલ્મ કંપનીએા દ્વારા બનાવાયેલી ફિલ્મોમાં ભારતીય કલાકારો ડબિંગ કરે એ વાતની નવાઇ રહી નથી પરંતુ તાજેતરમાં ટોચના અભિનેતા રણવીર સિંગે ડેડપુલ ટુમાં ડબિંગ કરવાની અશક્તિ દર્શાવીને ના પાડી દીધી હતી એવી માહિતી મળી હતી. અગાઉ વરુણ ધવને કેપ્ટન અમેરિકા ફિલ્મ માટે, ટાઇગર શ્રોફે સ્પાઇડર મેન માટે અને પ્રિયંકા ચોપરાએ ધ જંગલ બુક માટે પોતાનો કંઠ ઊછીનો આપ્યો હતો. એ જ રીતે રણવીર સિંઘને રાયન રેનોલ્ડ્સના ડેડપુલ ટુ ફિલ્મના સંવાદો માટે ડબ કરવાની ઑફર મળી હતી પરંતુ એણે સવિનય ના પાડી દીધી હતી.   હાલ રણવીર બે ત્રણ મોટી ફિલ્મો કરી રહ્યો છે જેમાં ઝોયા અખ્તરની ગલી બૉય અને રોહિત શેટ્ટીની સિમ્બાનો સમાવેશ થાય છે. ગલી બૉયમાં એ મુંબઇની ધારાવી ઝૂંપડપટ્ટીમાં રહીને ટોચના ગાયક બનતા યુવકનો રોલ કરી રહ્યો છે તો સિમ્બામાં એ ધૂની પોલીસ અધિકારીનો રોલ કરી રહ્યો છે. ડેડપુલ ટુ મેની ૧૮મીએ રજૂ થવાની છે. એ પહેલાં હિન્દી સંવાદો ડબ થવા જોઇએ. રણવીરના પ્રવક્તાએ કહ્યું કે ગલી બૉયનું શૂટિંગ શિડયુલ એટલું બધું ટાઇટ છે કે રણવીર સમય ફાળવી શકે એમ નથી. એટલે એણે નછૂટકે ના પાડવી પડી હતી.
 

(4:55 pm IST)
  • સલમાન ખાનની સાથે વીરગતિ ફિલ્મમાં કામ કરી ચુકેલી અભિનેત્રી પૂજા ડડવાલ હાલ ટીબીની બિમારી સામે જજૂમી રહી છે. માહિતી મળી છે કે, તેમના પરિવારે પણ તેનો સાથ છોડી દીધો છે. આપને જણાવી દઈએ કે પૂજાએ એક વિડીયો દ્વારા સહિયોગની અપીલ કરી હતી. ત્યારે ભોજપૂરી સ્ટાર રવિ કિશને તેના મિત્ર દ્વારા રૂપિયા અને ફળો હોસ્પિટલમાં મોકલ્યા હતા access_time 2:11 am IST

  • 'વો કૌન થી'ના રીમેકમાં ઐશ્વર્યા રાય અને શાહિદ, સાધના - મનોજકુમારના રોલમાં : ૧૯૬૪ની સાલની લોકપ્રિય ફિલ્મ ''વો કૌન થી''ની રિમેકમાં સાધનાનો રોલ ઐશ્વર્યા રાય તથા મનોજકુમારનો રોલ શાહીદ કપૂર ભજવશે access_time 3:41 pm IST

  • રશિયાના રાષ્ટ્રપતિ આ ઉંમરે પણ પોતાની ફિટનેસને લઈ ભારે ચર્ચામાં છે. ત્યારે એક લોકલ ટીવી ચેનલ ‘કેપિટલિસ્ટ ટીવી દાવો કર્યો હતો કે, પુતિન પોતાની સમાગમ શક્તિ વધારવા માટે સાઇબેરીયના હરણના શિંગળાના લોહીથી ન્હાય છે. ચેનલે દાવો કર્યો હતો કે,2016માં પુતિન માટે આ હરણોનો લગભગ 70 કિલો શીંગળા કાપવામાં આવ્યા હતા. access_time 2:12 am IST