Gujarati News

બોલીવૂડના જાણીતા નિર્દેશક મુકેશ છાબડા ૨૦૧૪માં આવેલી હોલીવૂડ ફિલ્મ 'ધ ફોલ્ટ ઇન અવર સ્ટાર્સ'ની હિન્દી રિમેક બનાવી રહ્યા છે. આ ફિલ્મમાં મુખ્ય રોલ માટે સુશાંતસિંહ રાજપૂતને લેવાયો છે. હિરોઇન તરીકે એક મોડેલ અભિનેત્રી સંજના સાંધીની પસંદગી થઇ છે. નિર્દેશક મુકેશ છાબડાએ જ જાણકારી આપી હતી કે સંજનાને આ ફિલ્મમમાં લિડ રોલ અપાયો છે. સંજનાએ અગાઉ ફિલ્મ રોકસ્ટારમાં નાનકડો રોલ કર્યો હતો. જેમાં તે નરગીસ ફખરીની બહેન બની હતી. તેણે એ ફિલ્મ પહેલા અનેક એડ ફિલ્મો પણ કરી છે. મુકેશની આ ફિલ્મમાં સંગીત એ.આર. રહેમાનનું હશે. સુશાંતસિંહ હાલમાં ફિલ્મ કેદારનાથ અને સોનચિરૈયાના શુટીંગમાં વ્યસ્ત છે. કેદારનાથમાં તેની સાથે સારા અલી ખાન છે.