Gujarati News

Gujarati News

News of Wednesday, 7th April 2021

આ મહિનાના અંતમાં શરૂ થશે રિતીક અને સૈફની ફિલ્મનું શુટીંગ

સૈફ અલી ખાનના હાથ પર ઘણા પ્રોજેકટ છે તેમાં હવે વિક્રમ વેધાની હિન્દી રિમેક પણ સામેલ છે. ચર્ચા છે કે આ ફિલ્મની હિન્દી રિમેકમાં રિતીક રોશન અને સૈફ અલી ખાન સાથે જોવા મળશે. સૈફએ આ ફિલ્મ માટે અધધધ બાર કરોડ જેટલી ફી વસુલી છે. સૈફએ પોતાની વધી રહેલી ડિમાન્ડને પગલે ફીમાં વધારો કર્યો છે. બે હીરોવાળી આ ફિલ્મમાં રિતીકને કેટલી ફી અપાશે તે જણાવાયું નથી. વિક્રમ વેધાની હિન્દી રિમેકમાં રિતીક રોશન ગેંગસ્ટરનો રોલ નિભાવશે. જ્યારે સૈફ અલી ખાનને પોલીસ ઓફિસરનો રોલ મળ્યો છે. પહેલી જ વખત રિતીક અને સૈફ એક સાથે જોવા મળવાના છે. આ મહિનાના અંત સુધીમાં ફિલ્મનું શુટીંગ શરૂ થઇ જાય તેવી નિર્માતાઓને આશા છે. રિલાયન્સ એન્ટરટેઇનમેન્ટ અને નિરજ પાંડે સાથે મળીને આ ફિલ્મ બનાવી રહ્યા છે. જેનું નિર્દેશન પુષ્કર તથા ગાયત્રી કરી રહ્યા છે. આ બંનેએ જ ઓરિજીનલ તમિલ ફિલ્મનું નિર્દેશન પણ કર્યુ હતું.

(10:10 am IST)
  • પશ્ચિમ બંગાળમાં રાજકીય હિંસાનો સિલસિલો યથાવત : બંગાળ ભાજપ અધ્યક્ષ દિલીપ ઘોષની કાર ઉપર હુમલો : જે ગાડીમાં બેઠા હતા તેનો કાચ તૂટ્યો : તૃણમૂલ કોંગ્રેસના કાર્યકરો ઉપર આરોપ access_time 8:45 pm IST

  • મહારાષ્ટ્રમાં કોરોના ગાંડોતૂર બનતા દેશમાં અત્યાર સુધીના રેકોર્ડબ્રેક નવા કેસ નોંધાયા : એક્ટિવ કેસનો આંકડો 9 લાખને પાર પહોંચ્યો :વધુ 684 દર્દીઓના મોત: રાત્રે 12 વાગ્યા સુધીમાં કોરોનાના નવા 1,26,265 કેસ નોંધાયા :કુલ કેસની સંખ્યા 1,29,26,061 થઇ :એક્ટિવ કેસ 9,05,021 થયા વધુ 59,132 દર્દીઓ સ્વસ્થ થતા કુલ 1,18,48,905 થયા :વધુ 684 લોકોના મોત સાથે કુલ મૃત્યુઆંક 1,66,892 થયા: દેશમાં સૌથી વધુ મહારાષ્ટ્રમાં નવા 59,907 નવા કેસ નોંધાયા access_time 12:51 am IST

  • રાજકોટ શહેર - જિલ્લામાં આજે પણ કોરોનાનો કાતિલ કહેર : ગઈકાલે સવારે 8 થી આજે સવારે 8 વાગ્યા સુધીમાં 24 લોકોના સરકારી ચોપડે દુઃખદ મૃત્યુ નોંધાયા : લોકો ધ્રુજી ઉઠ્યા : આજ સવાર સુધીમાં સરકારી અને ખાનગી હોસ્પિટલોમાં 393 બેડ ઉપલબ્ધ access_time 11:16 am IST