Gujarati News

Gujarati News

News of Wednesday, 25th March 2020

પરિવારે ખુબ મદદ કરી હતીઃ રશ્મી

ટીવી પરદાની જાણીતી અભિનેત્રી અને બિગબોસ-૧૩ થકી વધુ જાણીતી બનેલી રશ્મી દેસાઇ અવાર-નવાર ચર્ચા જગાવતી રહી છે. તેની જિંદગી સતત ઉતાર-ચઢાવ ભરેલી રહી છે. બિગબોસ વખતે તેની આ જિંદગીની અનેક અજાણી વાતો સામે આવી હતી. રશ્મીએ કહ્યું હતું કે તેની પ્રોફેશનલ લાઇફ ખુબ સારી રહી છે, પરંતુ અંગત જિંદગીમાં તે ખુબ જ હેરાન થઇ જતાં ડિપ્રેશનમાં જતી રહી હતી. ચાર વર્ષ સુધી તે ડિપ્રેશનમાં રહી હતી. રશ્મી કહે છે કે આ અવસ્થામાંથી બહાર નીકળવામાં મારા પરિવારે મારી ખુબ જ મદદ કરી હતી. જ્યારે તમે ડિપ્રશનમાં હોવ ત્યારે બધુ જ પ્રભાવીત થતું હોય છે. તમારો આત્મ વિશ્વાસ લગભગ શુન્ય થઇ જતો હોય છે. આપ ખુબ જ ઉદાસ થઇ જાવ છો અને પસંદ પણ બદલી જાય છે. જો કે મને મારા કામે હમેંશા સાથ આપ્યો છે. ત્રણ-ચાર વર્ષ પછી મેં કાઉન્સેલિંગ કર્યુ અને અનુભવ્યું હતું કે હું કંઇક બનાવી શકું તો હું તેને ખત્મ પણ કરી શકું. બિગબોસ પછી રશ્મી હવે એકતાના શો નાગિન-૪માં કામ કરી રહી છે.

(11:03 am IST)
  • પોરબંદરમાં કોરોનાના શંકાસ્પદ દર્દીનો રીપોર્ટ નેગેટીવ આવ્યો આજે કુલ ૧૨ને ઓબ્ઝર્વેશનમાં રખાયા હતા તે પૈકી ૧ને કોરોનાના લક્ષણો દેખાતા તેના લોહીના નમૂનાની તપાસ કરવામાં આવતા તેનો રીપોર્ટ નેગેટીવ આવ્યો access_time 5:32 pm IST

  • લોકડાઉનમાં ઘરે જ મંગાવો પૈસા : આઈસીઆઈસીઆઈએ સુવિધા શરૂ કરી : આઈસીઆઈસીઆઈ બેંકની વેબસાઈટ મુજબ, ઘર રોકડ ડિલીવરી માટે બેંકની વેબસાઈટ પર Bank@homeservice લોગ ઈન કરી કે કસ્ટમર કેરમાં ફોન કરી સુવિધાથી જોડાઈ શકો છો. રોકડ મંગાવવા સવારે ૯ વાગ્યાથી બપોરે ૨ વાગ્યાની વચ્ચે અનુરોધ કરી શકે છે. બે કલાકની અંદર આપના જરૂરીયાતના રૂપિયા મળી જાય છે. તેના દ્વારા બે હજારથી લઈને બે લાખ રૂપિયા સુધી મંગાવી શકાય છે. એસબીઆઈ, આઈસીઆઈસીઆઈ, એકિસસ, કોટક જેવી અનેક બેંક ગ્રાહકો માટે આ સુવિધા આપે છે. access_time 3:19 pm IST

  • કોરોના આજની સ્થિતિ કુલ ૧૧ ના મોત : અત્યાર સુધીમાં પ૮ર કન્ફમ કેસઃ મહારાષ્ટ્રમાં ૧૧ર અને કેરળમાં ૧૦પ કેસ access_time 3:18 pm IST