Gujarati News

મુંબઇ, તા.૮: રોહિત શેટ્ટીને કાર્સનો ગાંડો શોખ છે. આ શોખ તેની ફિલ્મોમાં પણ દેખાય છે. તેને ફિલ્મોમાં SUVને હવામાં ઉડાવવાનો ખૂબ શોખ છે. આટલું જ નહિ, તેની પોતાની પાસે પણ કાર્સનું જબરદસ્ત કલેકશન છે. હવે તેણે પોતાના SUVનાકાફલામાં લેમ્બોર્ગિની URUSનો ઉમેરો થયો છે. રોહિતે તાજેતરમાં જ આ કાર ખરીદી હતી.

આ કારની એકસ શોરુમ પ્રાઈઝ રૂ. ૩ કરોડ છે. દેશમાં ફકત ગણ્યાગાંઠ્યા લોકો પાસે જ આ કાર છે. આ ઈટાલિયન એકઝોટિક SUVના આ વર્ષે ઈન્ડિયામાં ૫૦ યુનિટ વેચાયા છે.

રોહિત શેટ્ટી તાજેતરમાં જ તેની બ્રાઈટ યલ્લો લેમ્બોર્ગિનીની ડિલીવરી લેવા માટે મુંબઈના શોરૂમમાં પહોંચ્યો હતો. શોરૂમે ફિલ્મમેકરનો તેની સ્ટાઈલિશ કાર સાથેનો ફોટો શેર કર્યો હતો.

જો કે સોશિયલ મીડિયા પર લોકોએ આ અંગે ફની કોમેન્ટ્સ કરવાની ચાલુ કરી દીધી હતી અને શેટ્ટીને પૂછ્યું કે તે તેની આ મોંદ્યીદાટ કાર કયાંક ફિલ્મોની જેમ તોડી તો નહિ નાંખે ને?

રોહિત શેટ્ટી પાસે મશટેન્ગ, રેન્જ રોવર સ્પોર્ટ્સ, મસેરાતી ગ્રેનટુરિસ્મો સ્પોર્ટ જેવી અનેક કાર્સ છે. સિમ્બાના ડિરેકટરે જાવ્યું કે જે કાર મૂવી સીનમાં તૂટતી ફૂટતી નથી તેને તે તેના બેઝમેન્ટમાં રાખી લે છે અને સમયાંતરે ડ્રાઈવ પર લઈ જાય છે. હિન્દુસ્તાન ટાઈમ્સને આપેલા ઈન્ટરવ્યુમાં રોહિત શેટ્ટીએ કહ્યું કે તેણે ફિલ્મમાં યુઝ કરેલી એકપણ કાર ફેંકી દીધી નથી. તેણે કહ્યું, મારી પાસે બધી જ કાર છે. જો ફિલ્મમાં કોઈ કાર ક્રેશ થાય તો હું કંઈ ન કરી શકું. પરંતુ અમે બાકીની કાર્સ રાખવાનો પ્રયત્ન કરીએ છીએ. અમે દ્યણીવાર આ કાર નેકસ્ટ ફિલ્મમાં ફરી યુઝ કરીએ છીએ. નહિ તો તે અમારા બેઝમેન્ટમાં રહે છે. તે હવે મ્યુઝિયમ જેવું બની ગયું છે. હું દ્યણીવાર આ કારની ડ્રાઈવ લઉં છું.