Gujarati News

Gujarati News

News of Tuesday, 13th August 2019

આયુષ્‍માન ખુરાના અભિનીત અને ૬૬મા રાષ્‍ટ્રીય પુરસ્કારમાં બેસ્ટ પોપ્યુલર ફિલ્મનો એવોર્ડ જીતનાર ફિલ્મ બધાઇ હો પાર્ટ-ટુ બનશે

નવી દિલ્હી : આયુષ્યમાન ખુરાના અભિનિત અને 66મા રાષ્ટ્રિય પુરસ્કારમાં બેસ્ટ પોપ્યુલર ફિલ્મનો એવોર્ડ જીતનાર ફિલ્મ બધાઇ હો પાર્ટ ટુ માટે તૈયાર થઇ જાવ. બહેતરીન મનોરંજન પુરૂ પાડનાર ફિલ્મનો બીજો ભાગ બનવા જઇ રહ્યો છે અને માટે પુરજોશમાં તૈયારી હાથ ધરવામાં આવી છે.

વખતે 66મા રાષ્ટ્રિય ફિલ્મ પુરસ્કારમાં બોલીવુડ એક્ટર આયુષ્યમાન ખુરાના છવાયેલો રહ્યો. ખુરાનાની બે ફિલ્મોએ કુલ પાંચ એવોર્ડ જીત્યા. બહેતરીન મનોરંજન પુરૂ પાડવા બદલ બધાઇ હો બેસ્ટ ફિલ્મ પુરસ્કાર જીતી અને ફિલ્મ માટે સર્વશ્રેષ્ઠ સહાયક અભિનેત્રીનો પુરસ્કાર સુરેષા સીકરીને મળ્યો. જ્યારે ફિલ્મ અંધાધુન ને સર્વશ્રેષ્ઠ ફિલ્મનો એવોર્ડ મળ્યો અને ફિલ્મને પટકથા લેખકનો પુરસ્કાર શ્રીરામ રાઘવન, અરિજીત વિશ્વાસ, પૂજા લાધા સૂર્તી, યોગેશ ચંદેકર અને હેમંત રાવને મળ્યો. ઉપરાંત અંધાધુન અને ઉરી સર્જિકલ સ્ટ્રાઇકમાં શાનદાર અભિનય માટે આયુષ્માન ખુરાા અને વિક્કી કૌશલને સંયુક્ત રીતે સર્વશ્રેષ્ઠ અભિનેતાનો એવોર્ડ મળ્યો.

મીડિયા રિપોર્ટ્સનું માનીએ તો બધાઇ હો ની સફળતા બાદ હવે મેકર્સ એની સિક્વલ બનાવવાની તૈયારીઓમાં લાગ્યા છે. ખબર છે કે ફિલ્મની સ્ક્રિપ્ટ પણ ફાઇનલ કરી દેવાઇ છે. સ્ટાર કાસ્ટ માટે મેકર્સ કામ કરી રહ્યા છે. જોકે આયુષ્યમાન ખુરાના પહેલી પસંદગી હશે એવું સુત્રો જણાવી રહ્યા છે.

અહીં નોંધનિય છે કે, નેશનલ એવોર્ડ જીત્યા બાદ આયુષ્યમાન ખુરાનાએ ગત શનિવારે એક કવિતા લખી અને એને સોશિયલ મીડિયા પર ઇન્સ્ટાગ્રામમાં શેયર કરી હતી. આયુષ્યમાને કવિતામાં ઘણું દર્દ છુપાયેલું છે. જેને વાંચીને તમારી આંખો ભીની થઇ જશે. વાસ્તવમાં આયુષ્યમાને કવિતામાં પોતાની સફરને વર્ણવી છે.

સિને જગતમાં આયુષ્યમાન ખુરાનાનો અંદાજ અન્ય કલાકારો કરતાં થોડો અલગ છે. સ્પેશિયલ પ્લોટ પર બનતી ફિલ્મોમાં ખાસ કામ કરે છે. પરંતુ આયુષ્યમાને હવે નવો કમાલ કર્યો છે. પોતાની ફિલ્મોને સમય મર્યાદામાં પૂરી કરવામાં પણ અવ્વલ માનવામાં આવે છે. આયુષ્યમાને પોતાની આગામી ફિલ્મ ગુલાબો સિતાબોનું શૂટિંગ માત્ર 22 દિવસમાં પૂરૂ કરી લીધું છે. ગુલાબો સિતાબોનું શૂટીંગ લખનૌમાં કરાયું છે. ફિલ્મ તે બોલીવુડના દિગ્ગજ અભિનેતા અમિતાભ બચ્ચન સાથે દેખાશે.

(4:26 pm IST)
  • રાજકોટ મ્યુ.કોર્પોરેશનનાં જનરલ બોર્ડનો પ્રારંભઃ પ્રિ-મોન્સુન કામગીરી પ્રશ્ને તડાપીટ: ભાજપના ૧૪ અને કોંગ્રેસના ૧૩ કોર્પોરેટરો દ્વારા કુલ ૬૩ પ્રશ્નો રજૂઃ પ્રથમ ભાજપનાં મનીષ રાડીયાનાં પ્રશ્નથી ચર્ચા શરૂ: મવડી બ્રિજ, સાધુ વાસવાણી રોડની લાયબ્રેરીનાં નામકરણ સહિતની ૮ દરખાસ્તો અંગે નિર્ણય access_time 11:21 am IST

  • રાહુલ ગાંધીએ રાજ્યપાલની કાશ્મીર આવવાની ચેલેન્જ સ્વીકારીઃ અમારે જવા વિમાનની જરૂર નથીઃ બસ એટલી છૂટ મળે કે અમે લોકોને મળી શકીએ access_time 4:08 pm IST

  • કાશ્મીર મુદ્દે પાકિસ્તાનની વધુ એક ચાલ : ટીવી ચેનલો પર વિશેષ કાર્યક્રમોનું પ્રસારણ નહીં થાય : પાકિસ્તાની ચેનલો પર પ્રસારિત થતા ઇદના વિશેષ કાર્યક્રમો પર પણ પ્રતિબંધ મૂકયો access_time 3:57 pm IST