Gujarati News

Gujarati News

News of Thursday, 14th March 2019

અજય દેવગણ સાથેની નવી ફિલ્મમાં સાઉથની હસીના કિર્તી સુરેશની અેન્ટ્રી

નવી દિલ્હી : બોલીવુડમાં એકશન ઉપરાંત ઇમોશન અને કોમેડીમાં સાથી કલાકારોને મ્હાત આપનાર બોલીવુડ સ્ટાર અજય દેવગન ફરી એકવાર જોરદાર ધમાકો કરવા માટે આવી રહ્યા છે. જ્યાં આ દિવસોમાં તે ટોટલ ધમાલ દ્વારા બોક્સ પર છવાયેલા છે તો આગામી સમયમાં તે જલ્દીથી 'દે દે પ્યાર દે', તાનાજી ધ અનસંગ વોરિયર, ફૂટબોલ પ્લેયરની બાયોપિક અને ચાણક્યની બાયોપિકમાં નજર આવનાર છે. આ પૈકીની ઘણી ફિલ્મોના શૂટિંગ શરૂ થઇ ગયા છે તો હજુ કેટલીક ફિલ્મ માટે સ્ટાર કાસ્ટિંગ ચાલી રહ્યું છે. આ દરમિયાન ફૂટબોલ પ્લેયર સૈયદ અબ્દુલ રહીમની બાયોપિકને લઇને એક મોટા ન્યૂઝ સામે આવ્યા છે.

સાઉથની એક ખૂબસુરત હસીના આ ફિલ્મમાં અજય દેવગન સાથે બોલીવુડમાં ડેબ્યુ કરવા જઇ રહી છે. જી, હાં અલ્લૂ અર્જુન અને વિક્રમ સાથે ફિલ્મો કરી ચૂકેલી કિર્તી સુરેશ અજય દેવગન સાથે હિન્દી ફિલ્મમાં એન્ટ્રી લેનાર છે. ફિલ્મના નિર્દેશક અમિત શર્મા છે. અજય દેવગન આ ફિલ્મમાં ભારતીય ફૂટબોલ ટીમના કોચ રહી ચૂકેલા સૈયદ અબ્દુલ રહીમની ભૂમિકામાં છે જ્યારે કિર્તી એમની પત્નીની ભૂમિકામાં છે.

કિર્તીએ એક નિવેદનમાં કહ્યું કે, હું આવી એક સરસ મજાની બાયોપિકનો હિસ્સો બનવા જઇ રહી છું એ વાતને લઇને ખુશી છે અને જાતને સન્માનિત અનુભવું છું. આ ફિલ્મ ભારતીય ઇતિહાસમાં ભૂલી જવાયેલા એક અધ્યાય છે અને મને ખુશી છે કે નિર્માતાએ મને આ ફિલ્મ માટે પસંદ કરી. આ એક એવી ફિલ્મ છે જે દરેક ભારતીયને ગર્વ અનુભવ કરાવશે.

કિર્તીએ કહ્યું કે, અજય દેવગન જેવા પ્રતિભાશાળી અભિનેતા સાથે કામ કરવાને લઇને હું સન્માનની લાગણી અનુભવું છું. રહીમના બાયોપિકનું શૂટિંગ જૂનમાં શરૂ થશે. ફિલ્મના નિર્માણ આકાશ ચાવલા અને અરૂણવ જોય સેનગુપ્તા સાથે બોની કપુર કરી રહ્યા છે.

અહીં તમને જણાવી દઇએ કે બધાઇ હો ફિલ્મના ડાયરેક્ટર અમિત શર્મા નિર્દેશિત આ ફિલ્મ 1951થી 1962 સુધી ફૂટબોલ જગતના સ્વર્ણિમ સફર પર આધારિત હશે. જેમાં અજય દેવગન મુખ્ય ભૂમિકામાં હશે. આ ફિલ્મ કોચ સૈયદ અબ્દુલ રહીમના જીવન પર આધારિત છે.

(4:58 pm IST)
  • વંશવાદી રાજનીતિનો આરોપ લાગતા રડી પડ્યા દેવગૌડા -પુત્ર અને પૌત્ર :ભાજપે ગણાવ્યું નાટક :પૂર્વ વડાપ્રધાન એચડી દેવગૌડા એક કાર્યક્રમમાં રડી પડ્યા હતા :આ વેળાએ તેના મોટા પુત્ર એચડી રેવનના અને પૌત્ર પ્રજ્વલ રેવનના રોઈ પડ્યા હતા જોકે ભાજપે આ નાટકબાજી ગણાવી હતી access_time 1:10 am IST

  • રાફેલ મામલો :સુપ્રીમ કોર્ટે કહ્યું પહેલા કેન્દ્ર સરકારની આપત્તિઓ પર નિર્ણય લેવાશે :પીઠે કહ્યું કે કેન્દ્ર દ્વારા ઉઠાવેલ પ્રારંભિક વાંધા પર ફેંસલોઃ કર્યા બાદ મામલાના તથ્યો પર વિચારણા કરાશે access_time 1:30 am IST

  • રાહુલને બીજેપીનો પલટવાર : તમારા ગ્રેટ ગ્રાન્‍ડફાધરે જ ચીનને ભેટમાં આપી હતી UNSC સીટ : દેશ હજુ સુધી ગાંધી પરિવારની ભૂલોને ભોગવી રહ્યું છે access_time 4:36 pm IST