News of Thursday, 12th July 2018

ફિલ્મ બત્તી ગુલ મીટર ચાલુમાં ડાન્સ કરતો નજરે પડશે શાહિદ કપૂર

મુંબઇ: અભિનેતા શાહિદ કપૂર તેની આગામી ફિલ્મ બત્તી ગુલ મીટર ચાલુમાં ડાન્સ કરતો પણ જોવા મળશે એવી જાણકારી મળી હતી. મોટા ભાગના સિનેરસિકો જાણે છે કે શાહિદ જેટલો સારો અભિનેતા છે એટલોજ સારો ડાન્સર પણ છે. કેટલીક ફિલ્મોમાં એનો ડાન્સ સરસ રીતે રજૂ થયો હતો. હવે બત્તી ગુલ મીટર ચાલુના ડાયરેક્ટર શ્રી નારાયણ સિંઘ શાહિદની ડાન્સ કરવાની ક્ષમતાને પણ ફિલ્મમાં રજૂ કરશે એવી માહિતી મલી હતી. તાજેતરમાં ખુદ શાહિદે ઇન્સ્ટાગ્રામ પર ડાન્સની એક તસવીર રજૂ કરી હતી. અત્યાર અગાઉ એણે મૂડ્સ ટાઇટલ હેઠળ ફિલ્મના પોતાના પાત્રના વિવિધ હાવભાવ અને સંવેદનો રજૂ કરતી તસવીરો શૅર કરી હતી. તાજેતરમાં એણે ડાન્સની એક તસવીર પણ શૅર કરી હતી અને એવો અણસાર આપ્યો હતો કે બત્તી ગુલ મીટર ચાલુમાં ડાન્સ પણ કરશે. અગાઉ શાહિદ કપૂર અને શ્રદ્ધા કપૂર વિશાલ ભારદ્વાજની હૈદર ફિલ્મમાં સાથે દેખાયાં હતાં. હવે બત્તી ગુલ મીટર ચાલુમાં બંને કલાકારો સાથે દેખાશે. શ્રદ્ધાએ પોતાના પાત્રનું શૂટિંગ ક્યારનું પૂરું કરી નાખ્યું છે. શ્રદ્ધા ઉપરાંત ફિલ્મમાં યામી ગૌતમ ધારાશાસ્ત્રી તરીકે ચમકી રહી છે. પોતાના રોલને સમજવા યામીએ મુંબઇ હાઇકોર્ટની મુલાકાત લીધી હતી અને મહિલા વકીલોની રીતભાત તથા કામ કરવાની પદ્ધતિનો અભ્યાસ કર્યો હતો.

(4:47 pm IST)
  • મુંબઈના પલધરના વસઈમાં ભારે વરસાદ બાદ મકાનોમાં પાણી ઘુસ્યા :દોઢસોથી વધારે મકાનોના ચારસો જેટલા લોકો અસરગ્રસ્ત :મકાન ખાલી કરીને સુરક્ષિત સ્થાને જવાનો ઈન્કાર કર્યો access_time 11:09 pm IST

  • નવસારી: ભારે વરસાદના કારણે નવસારી નેશનલ હાઇવે નંબર ૪૮ ઉપર ખારેલ ગામ પાસે કારને અકસ્માત નડ્યો : અકસ્માતમાં બે યુવાનોના ઘટના સ્થળે મોત access_time 8:02 pm IST

  • રાજકોટ જિલ્લામાં પાંચેય દિવસ મધ્યમ વરસાદ પડવા સંભવઃ ગુજરાતના જિલ્લાઓ માટે ૫ દિવસ માટે વરસાદનો વર્તારો : નવસારી, વલસાડ, દાદરાનગર, દમણમાં આવતા ૫ દિવસ ભારે વરસાદની આગાહી : બનારસકાંઠામાં આજે ભારે, મહેસાણામાં ભારે, સાબરકાંઠામાં આજે-કાલે, અરવલ્લીમાં આજે - કાલે, દાહોદ, મહિસાગર, છોટાઉદયપુર, પોરબંદર, જૂનાગઢ, દેવભૂમિ દ્વારકા અને દીવમાં ગુરૂ, શુક્ર, શનિ ભારે વરસાદની આગાહી access_time 11:34 am IST