Gujarati News

મુંબઇ:અભિનેતી સંજય દત્તની બાયો-ફિલ્મ બનાવનારા રાજકુમાર હીરાણી હવે વધુ એક બાયો-ફિલ્મ બનાવવા થનગની રહ્યા હોવાની માહિતી મળી હતી.

હીરાણીએ અગાઉ સંજય દત્તને લઇને મુન્નાભાઇ સિરિઝની કોમેડી ફિલ્મો બનાવી હતી જે બોક્સ ઑફિસ પર ટંકશાળ બની રહી હતી. એ ફિક્શનલ (કાલ્પનિક વાર્તાઓ પર આધારિત ) હતી. પરંતુ સંજય દત્તની બાયો-ફિલ્મ બનાવતી વખતે એ સાઉથ આફ્રિકામાં હતા ત્યાં  એમને એક નવો વિષય મળી ગયો હતો.સાઉથ આફ્રિકામાં વસતા હેરી ઉર્ફે હરમિન્દર નામના એક સૌથી શ્રીમંત વ્યકિતનું જીવન એમને બાયો-ફિલ્મ બનાવવા યોગ્ય લાગ્યુ ંહતું. આ પંજાબી વ્યક્તિ પહેરેલે કપડે ઘેરથી નાસી ગઇ હતી અને સાઉથ આફ્રિકામાં એટલો પુરુષાર્થ કર્યો કે આજે સાઉથ આફ્રિકામાં સૌથી વધુ શ્રીમંત છે. હીરાણીને આ વ્યક્તિ બાયો-ફિલ્મ બનાવવા માટે સૌથી વધુ યોગ્ય લાગી હતી. એટલે સંજુ રિલિઝ થઇ જાય ત્યારબાદ હીરાણી હેરીની બાયો-ફિલ્મ બનાવે એવી શક્યતા હોવાનું એમની નિકટનાં સૂત્રોએ કહ્યું હતું.હેરી દસ વર્ષ સુધી માફિયા ગેંગ અને સાઉથ આફ્રિકાની સરકાર વચ્ચે લીંક સમાન હતા. હીરાણીની હેરી સાથે મુલાકાત પણ થઇ હતી.