Gujarati News

Gujarati News

News of Tuesday, 5th June 2018

આ વખતે ઇન્સ્પેકટર નહિ, ઉદ્યોગપતિના રોલમાં છે અનિલ

અનિલ કપૂર અલગ-અલગ રોલ નિભાવવા માટે જાણીતો છે. સલમાન ખાન સાથે રેસ-૩માં તે મહત્વના રોલમાં છે. ચાહકો પણ તેના વિશે જાણવા આતુર છે. નિર્દેશક રેમો ડિસુઝાએ કહ્યું હતું કે અગાઉની રેસમાં અનિલ કપૂરે ઇન્સ્પેકટ આર.ડી.નો મજેદાર રોલ નિભાવ્યો હતો. પણ આ વખતે તે ધમાકેદાર એકશનદ્રશ્યોમાં જોવા મળશે. અનિલ કપૂરને ઉદ્યોગપતિ શમશેરનો રોલ અપાયો છે. તેની ફિલ્મમાં એન્ટ્રી ધમાકેદાર એકશન સિન સાથે થશે. ખાસ વાત એ છે કે આ એકશન દ્રશ્યો માટે અનિલ કપૂરે ડુપ્લીકેટની સહાય નથી લીધી, જાતે જ દ્રશ્યો ભજવ્યા છે. પ્રારંભે તો અનિલના ભાગે ઓછા એકશન સિન હતાં. પણ તેનું કામ જોઇને નિર્દેશકે આવા સિન વધારવા મજબુર થવું પડ્યું હતું. અનિલે એકશન સિન માટે અબુધાબીમાં ખાસ તાલિમ લીધી હતી.

(10:03 am IST)
  • હવે પંજાબ નેશનલ બેંક અને ICICIના ગ્રાહકોને પણ લોન પર વધુ વ્યાજ ચૂકવવુ પડશે કેમ કે, એસબીઆઈ બાદ હવે પંજાબ નેશનલ બેંક અને આઈસીઆઈસીઆઈએ પણ પોતાના વ્યાજદરોમાં વધરો કરી દીધો છે. આઈસીઆઈસીઆઈએ 5 વર્ષ માટે પોતાના લેંડિંગ રેટને 10 બેઝિઝ પોઈન્ટ્સ વધારતા 8.70 ટકા કરવાનો નિર્ણય લીધો છે. જો કે લોન 3 મહિના માટે હશે તો વ્યાજદરમાં ફેર નહિ પડે. access_time 12:22 am IST

  • વડોદરામાં માનાં નામને કલંક લગાવતી ઘટના સામે આવી છે. જેમાં સુમિત્રા નામની એક મહિલા બાળકીને મુકીને ફરાર થઈ ગઈ છે. ગઈ કાલે મહિલાએ રજા માંગી હતી જો કે આજે સયાજિરાવ હોસ્પિટલના બાળ વિભાગમાં નવજાત બાળકીની સારવાર શરૂ હતી તે દરમિયાન તેને તરછોડી દંપતિ ફરાર થઈ ગયુ હતુ. રજીસ્ટરમાં દંપત્તિએ પાદરાનાં મુવાલ ગામ હોવાનો ઉલ્લેખ કર્યો છે. હાલ પોલીસે તપાસ હાથ ધરી છે. access_time 12:22 am IST

  • સુરતમાં ૭૦૦ જીઆરડી જવાનોને છુટા કરાવ્યા : હેડ કવાર્ટર ખાતે જવાનો એકઠા થયાઃ ૮ વર્ર્ષની નોકરી બાદ જીઆરડી જવાનોને છુટા કરાયાઃ ફરી નોકરીએ લેવા જવાનોએ અપીલ કરી access_time 3:55 pm IST