Gujarati News

મુંબઇ:અભિનેતા રિતિક રોશને પોતાની આગામી ફિલ્મ સુપર ૩૦નું શૂટિંગ આટોપી લીધું હોવાની જાણકારી મળી હતી. પોતાને સહકાર આપનારા સમગ્ર યુનિટને એણે વસ્ત્રોની ભેટ આપી હતી એવી જાણકારી પણ મળી હતી.બિહારના ગરીબ અને ગણિતના વિષયમાં નબળા ટીનેજર્સને  આઇઆઇટીમાં એડમિશન મળતું નહોતું તેથી એક ગણિતજ્ઞા આનંદકુમારે આવા ટીનેજર્સને ગણિતના વિષયમાં નિપુણ બનાવવાનું બીડું ઝડપી લીધંુ હતું. હવે બિહારના ટીનેજર્સ પણ ગણિતથી ડરતા નથી. એની આ કામગીરીની બિહાર રાજ્ય સરકારે પણ નોધ લીધી હતી.

આનંદ કુમારની બાયો-ફિલ્મને સુપર ૩૦ નામ આપવામાં આવ્યું હતું અને એની ભૂમિકા માટે રિતિક રોશનને પસંદ કરાયો હતો.રિતિકે પટણાની મુલાકાત લીધી હતી અને આનંદ કુમાર જ્યાં રહેતા હતા તથા જ્યાં ગણિતના વર્ગો લેતા હત એ બધા સ્થળોની પણ મુલાકાત લીધી હતી. સાથોસાથ રિતિકે પોતાનું વજન સારું એવું ઊતારીને આનંદ કુમાર જેવા દેખાવા પાતળા થવાનું સ્વીકાર્યું હતું.શૂટિંગ પૂર્ણ થતાં રિતિકે પોતાની એચઆરએક્સ બ્રાન્ડનાં વસ્ત્રો સમગ્ર યનિટને ભેટ આપતાં યુનિટના સભ્યો ખુશ થઇ ગયા હતા.રિતિકે પહેલેથી ગિફ્ટ પેકિંગ કરાવીને તૈયાર રાખેલા પેકેટ્સ સૌને પોતાના હાથે વહેંચી દીધા હતા.