Gujarati News

Gujarati News

News of Monday, 4th June 2018

અવકાશયાત્રી રાકેશ શર્માની બાયો ફિલ્મ 'સેલ્યુટ' માટે કરીના કપૂરે હા પાડી

મુંબઇ: અભિનેત્રી કરીના કપૂર ખાને હા-ના હા-ના કરતાં આખરે સેલ્યુટ ફિલ્મ સ્વીકારી લીધી હોવાની માહિતી મળી હતી. ફિલ્મ અવકાશયાત્રી રાકેશ શર્માની બાયો ફિલ્મ છે. અગાઉ ફિલ્મ આમિર ખાન કરવાનો હતો પરંતુ એની પાસે તરત બલ્કમાં આપી શકાય રીતે તારીખો નહોતી એટલે એણે ફિલ્મ છોડી દીધી હતી અને શાહરુખ ખાનનું નામ સૂચવ્યું હતું. શાહરુખ ખાને એવી શરતે ફિલ્મ સ્વીકારી લીધી હતી કે આમિરે રાકેશ શર્માના પાત્રને જીવંત કરવા જે સંશોધન કર્યું હોય એની વિગતો શાહરુખ ખાનને આપવી. આમિરે શરત સ્વીકારી લીધી હતી એટલે શાહરુખે સેલ્યુટ ફિલ્મ સ્વીકારી હતી. ત્યારબાદ ફિલ્મની હીરોઇનની તલાશ શરૃ થઇ હતી. છેલ્લા થોડા દિવસથી એવી વાતો વહેતી થઇ હતી કે પ્રિયંકા ચોપરા ફિલ્મ કરશે પરંતુ પ્રિયંકા અને શાહરુખ વચ્ચે છેલ્લાં થોડાં વરસથી અબોલા હોવાથી વાત શક્ય બને એવી નહોતી. અગાઉ કરીનાનો પણ સંપર્ક સાધવામાં આવ્યો હતો પરંતુ એે હા-ના હા-ના કરતી હતી. આખરે એણે ફિલ્મ સ્વીકારી લીધી હતી.

(3:39 pm IST)
  • સુરતમાં ૭૦૦ જીઆરડી જવાનોને છુટા કરાવ્યા : હેડ કવાર્ટર ખાતે જવાનો એકઠા થયાઃ ૮ વર્ર્ષની નોકરી બાદ જીઆરડી જવાનોને છુટા કરાયાઃ ફરી નોકરીએ લેવા જવાનોએ અપીલ કરી access_time 3:55 pm IST

  • સચિનના સૌથી મોટા ફેનને ધોનીએ લંચ માટે આપ્યુ આમંત્રણ : ભારતીય ક્રિકેટર મહેન્દ્રસિંહ ધોનીએ સચિનના સૌથી મોટા ફેન સુધીરને પોતાના ઘરે લંચ પર બોલાવ્યો હતો. સુધીરે લંચ બાદ પોતાની આ મુલાકાતના ફોટો ટ્વિટર પર શેર કર્યો હતો તેમજ ઈમોશનલ મેસેજ પણ લખ્યો ‘સ્પેશિયલ દિવસ કેપ્ટન કૂલ ધોની સાથે. તેણે કેપ્શનમામ લખ્ય કે, ફાર્મ હાઉસમાં પરિવાર ધોનીના પરિવાર સાથે જે સુપર લંચ લીધુ તેને હું શબ્દોમાં નહિ વર્ણવી શકુ. access_time 8:47 pm IST

  • હવે પંજાબ નેશનલ બેંક અને ICICIના ગ્રાહકોને પણ લોન પર વધુ વ્યાજ ચૂકવવુ પડશે કેમ કે, એસબીઆઈ બાદ હવે પંજાબ નેશનલ બેંક અને આઈસીઆઈસીઆઈએ પણ પોતાના વ્યાજદરોમાં વધરો કરી દીધો છે. આઈસીઆઈસીઆઈએ 5 વર્ષ માટે પોતાના લેંડિંગ રેટને 10 બેઝિઝ પોઈન્ટ્સ વધારતા 8.70 ટકા કરવાનો નિર્ણય લીધો છે. જો કે લોન 3 મહિના માટે હશે તો વ્યાજદરમાં ફેર નહિ પડે. access_time 12:22 am IST