Gujarati News

Gujarati News

News of Monday, 4th June 2018

ગીતના શબ્દો સેક્સી હોઇ શકે પરંતુ વલ્ગર ન હોવા જોઈએ: આશા ભોંસલે

મુંબઇસિનિયર ગાયિકા આશા ભોંસલેએ કહ્યું હતું કે ગીતના શબ્દો સેક્સી હોઇ શકે પરંતુ દ્વિઅર્થી કે વલ્ગર હોય તો ચાલે. હું એવા ગીતો ગાવામાં માનતી નથી.સંગીતકાર નીતિન શંકર માટે વ્હૉટ્સ એપ નામની આગામી ફિલ્મ માટે ગીત ગાવા સંમત થયેલી આશાએ કહ્યંુ કે મેં અને આરડી બર્મને લગભગ ત્રીસ વર્ષ પહેલાં નીતિનને પહેલી તક આપી હતી. જો કે પહેલાં હું એને મળી પણ નહોતી. માત્ર એટલી જાણ હતી કે ટોચનો પર્કશનિસ્ટ છે. એની સંગીત પ્રતિભાનો ખ્યાલ આવતાં અમે એને આગળ વધવાની તક આપી હતી. એની પ્રગતિ અમે જોઇ છે અને હવે એના સંગીતમાં હું ફરી પોપ અને ટીનેજર્સને ગમે એવાં ગીતો ગાવા તૈયાર થઇ છું. મને વલ્ગર ગીતો ગમતાં નથી તેમ દ્વિઅર્થી ગીતો ગાવાની પણ મારી તૈયારી હોતી નથી. માત્ર પૈસા માટે હવે હું બાંધછોડ કરતી નથી. ઘણું કમાઇ લીધું અને ઘણું નામ મેળવી લીધું.તેમણે વધુમાં કહ્યું કે મેં આજે વ્હૉટસ્ એપ ફિલ્મનું એક ગીત રેકોર્ડ કર્યું. શબ્દો પણ મજાના છે અને તર્જ પણ સરસ રહી. ટૂંક સમયમાં હું ફિલ્મના મરાઠી વર્ઝનનું ગીત રેકોર્ડ કરવાની છું. મને આજે પણ ગાવામાં આનંદ આવે છે. ટીનેજર્સ ખુશ થાય એવાં ગીતો ગાવામાં મને આનંદ આવે છે. જો કે હિન્દી ગીતના શબ્દો જેવા પાવરફૂલ છે એવું મરાઠી રૃપાંતર પણ હોવું જોઇએ.

(3:38 pm IST)
  • ઓપરેશન બ્લુસ્ટારની વરસીએ સુરક્ષા વધારાઈ :પોલીસકર્મીની રાજા કેન્સલ :મંદિર પરિસર આસપાસ 3200 પોલીસ જવાનો તૈનાત :શહેરના પ્રવેશ માર્ગો પર મોટો પોલીસ કાફલો ખડકી દેવાયો :એરપોર્ટ, રેલવે સ્ટેશન અને શહેરમાં આવતા તમામ માર્ગોમાં ચુસ્ત બંદોબસ્ત ગોઠવાયો ;વાહનોનું ચેકીંગ access_time 12:29 am IST

  • સીરિયાના રાષ્ટ્રપતિ બસર અલ-અસદ ઉત્તર કોરિયાની મુલાકાત લેશે :વર્ષ 2011માં સત્તા સંભાળ્યા બાદ પ્રથમ વખત કિમ જોંગ-ઉને કોઈ દેશના સર્વોચ્ચ પદાધિકારીનું સ્વાગત કરશે:વર્ષ 1966માં સીરિયા સાથે ઉત્તર કોરિયાએ રાજદ્વારી સંબંધો સ્થાપ્યા હતા: ઉત્તર કોરિયાએ 1973ના આરબ-ઇઝરાયલ યુદ્ધમાં સેના અને હથિયાર બન્ને મોકલ્યા હતા access_time 1:26 am IST

  • મુંબઈમાં મુશળધાર વરસાદ :બદલાપૂર,ડોમ્બિવલી,વિક્રોલીમાં પવન સાથે વરસાદ તૂટી પડ્યો: કેટલાય સ્થળોએ લાઇટો ગૂલ :મુંબઈના મલબારહીલ વિસ્તારમાં ધોધમાર વરસાદ :રસ્તાઓમાં પાણી ભરાયા :કેટલાય જગ્યાએ વાહનચાલકો ફસાયા access_time 12:33 am IST