Gujarati News

Gujarati News

News of Monday, 4th June 2018

ઐશ્વર્યાની ફિલ્મની તારીખ ફરીથી બદલવામાં આવી

ઐશ્વર્યા રાય બચ્ચનની ફિલ્મ 'ફન્ને ખાં'નું શુટીંગ ચાલી રહ્યું છે. જેમાં તે એ ગાયીકાનો રોલ નિભાવી રહી છે. આ ફિલ્મમાં ઐશ્વર્યાનો શાનદાર આકર્ષક લૂક જોવા મળવાનો છે. પરંતુ ફિલ્મની રિલીઝ તારીખ સ્પષ્ટ થતી નથી. ઐશ્વર્યા સાથે ફિલ્મમાં અનિલ કપૂર અને રાજકુમાર રાવ પણ છે. પહેલા આ ફિલ્મ સલમાન ખાનની રેસ-૩ સાથે ૧૫ જુનના રોજ રિલીઝ થવાની હતી. પરંતુ બાદમાં ટક્કર ટાળવા રિલીઝની તારીખ ૧૩ જુલાઇ કરવામાં આવી હતી. હવે ફરીથી આ ફિલ્મની તારીખ બદલવામાં આવી છે. હવે ૩ ઓગષ્ટના ફન્નેખાં રિલીઝ થશે તેવું નક્કી કરાયું હતું. ત્યારે હવે આ ફિલ્મની ટક્કર ઇરફાન ખાનની 'કારવા' સાથે થશે. કારવા પહેલા ૧૦મી ઓગષ્ટના આવવાની હતી. પણ હવે નિર્માતા તેની તારીખ આગળ લાવ્યા છે.

(9:33 am IST)
  • કરોડાના કૌભાંડી ભદ્રેશ મહેતાની તબિયત લથડી: છાતીમાં દુઃખાવાની ફરીયાદ બાદ સિવિલ હોસ્પિટલના આઇસીયુંમાં દાખલ access_time 3:55 pm IST

  • ભારતીય મહિલા ક્રિકેટ ટીમે રવિવારે એશિયા કપમાં જીત સાથે શરૂઆત કરી છે. મલેશિયા વિરૂદ્ધ પોતાની પહેલી મેચમાં મિતાલી રાજે 97 રનની અણનમ ઈનિંગની મદદથી ભારતીય ટીમે મલેશિયાને 142 રનથી માત આપી છે. ટાર્ગેટનો પીછો કરવા માટે ઉતરેલ મલેશિયાની ટીમની બેટિંગ લાઈન પત્તાના મહેલની જેમ તૂટી પડી હતી. ટીમનો એકપણ ખેલાડી બે આંકડાના સ્કોર સુધી પહોંચી શક્યો નહતો. બોલરોના શાનદાર પ્રદર્શનથી મલેશિયાની ટીમને માત્ર 27 રન પર ઓલઆઉટ કરી દિધી હતી. access_time 2:48 am IST

  • કેન્દ્રીય માહિતી પંચ (CIC)એ વડાપ્રધાન કાર્યાલય અને વિદેશ મંત્રાલયને કોહિનૂર હીરો, મહારાજા રણજીતસિંહનું સોનાનું સિંહાસન, શાહજહાનું હરિતાશ્મનો દારૂનો પ્યાલો અને ટીપૂ સુલ્તાનની તલવાર જેવી પ્રાચીન વસ્તુઓ સ્વદેશ પરત લાવવા માટે સરકારનાં પ્રયાસોનો ખુલાસો કરવા માટેનાં નિર્દેશ આપ્યા છે. આ તમામ પ્રાચીન વસ્તુઓ ભારતનો વૈભવી ઇતિહાસનું પ્રતિક છે અને લોકકથાઓનો હિસ્સો છે અને તે અંગ્રેજ સરકાર અને આક્રમણકર્તાઓ દ્વારા લૂંટીને લઇ જવામાં આવ્યા હતા. ત્યાર બાદ હાલ તે વિશ્વનાં અલગ અલગ સંગ્રહાલયોની શોભા વધારી રહ્યા છે. access_time 2:48 am IST