Gujarati News

Gujarati News

News of Tuesday, 20th October 2020

દિલવાલે દુલ્‍હનીયા લે જાયેંગેમાં શાહરૂખ ખાનની જગ્‍યાએ સૈફ અલી ખાન હોત પરંતુ તેણે આ ફિલ્‍મમાં કામ કરવાની ના પાડી દીધી હતી

મુંબઇ: ફિલ્મ દિલવાલે દુલ્હનિયા લે જાયેંગે 20 ઓક્ટોબર, 1995ના રોજ રિલીઝ થઈ હતી. આ ફિલ્મના હીરો શાહરૂખ ખાનને વધુ આશા ન હતી, ન તો પહેલીવાર નિર્દેશક બનેલા આદિત્ય ચોપડાને પણ તેની આશા ન હતી. આ ફિલ્મની સફળતાની કોઈને આશા હતી તો માત્ર કરણ જૌહર અને આદિત્યના ભાઈ ઉદય ચોપરાને. કરણે આ ફિલ્મમા શાહરૂખ ખાનના મિત્રનું પાત્ર ભજવ્યું હતું. અને આદિત્યએ ફિલ્મને આસિસ્ટ કરી હતી. યશ ચોપરા તો ઈચ્છતા હતા કે, ફિલ્મનો ખર્ચો નીકળી જાય બસ.

કેવી રીતે આવ્યો ડીડીએલજેનો આઈડિયા

આદિત્ય ચોપડા લાંબા સમયથી ફિલ્મ બનાવવા માંગતા હતા. તેમના દિમાગમાં એક રફ આઈડિયા હતો. જેને તેઓએ મિત્ર કરણ જૌહરને સંભળાવ્યો હતો. કરણને સ્ટોરી સારી લાગી હતી. આદિત્યએ ચાર સપ્તાહમાં જ સ્ક્રીપ્ટ તૈયાર કરી લીધી હતી. તેના બાદ આદિત્યએ પિતા યશ ચોપરાને આ વાત કહી હતી. યશ ચોપરા આ ફિલ્મની સ્ટોરીથી બહુ ખુશ ન હતા. તેમને લાગ્યું કે, સ્ટોરીમાં બહુ ઉતાર-ચઢાવ નથી. પણ દીકરાની જીદ જોઈને તેઓએ હા પાડી હતી.

આદિત્ય સૈફને રાજ બનાવવા માંગતા હતા

ડીડીએલજેમાં રાજનુ યાદગાર પાત્ર ભજવનાર શાહરૂખ ખાન આદિત્યની પહેલી પસંદ ન હતા. આદિત્યના દિમાગમાં સૈફ હતા, તેઓએ સૈફને મગજમાં રાખીને આ પાત્ર લખ્યું હતું. પરંતુ જ્યારે તેઓ સ્ટોરી લઈને સૈફ પાસે ગયા ત સૈફ અલી ખાને કામ કરવાની ના પાડી હતી. આ ફિલ્મની સ્ટોરી તેમને પસંદ ન આવી હતી. આદિત્યને આ જોઈને દુખ થયું હતું કે, સૈફે ન પાડી. તેથી ડરમાં કામ કરી ચૂકેલ શાહરૂખે એપ્રોચ કરવામાં આવ્યો હતો.

યશ ચોપરા જ્યારે શાહરૂખને મળ્યા, તો કિંગ ખાને કહ્યું કે, આ ફિલ્મમાં થોડું ઢિશૂમ ઢિશૂમ હોવું જોઈએ. માત્ર રોમેન્ટિક ફિલ્મ નહિ ચાલે. હીરો જ્યારે વિલનને મારશે નહિ, ત્યા સુધી દર્શકો પણ ખુશ નહિ થાય. આદિત્ય પોતાની ફિલ્મમાં કોઈ ચેન્જિસ કરવા માંગતા ન હતા. પરંતુ પિતા યશના કહેવાથી ફિલ્મના અંતમાં મેલો ડ્રામા નાંખવામાં આવ્યો હતો.

શાહરૂખ ખાને આ ફિલ્મ યશ ચોપરાના કહેવા પર કામ કર્યું હતું. પરંતુ ફિલ્મ બનતા બનતા આદિત્યને લાગવા લાગ્યું કે, શાહરૂખ ખાનથી બીજુ કોઈ રાજનો રોલ સારી રીતે કરી જ શક્યો ન હોત. આ ફિલ્મમાં શાહરૂખના પિતા બનેલ અનુપમ ખેરનું પાત્ર એકદમ યશ ચોપરા જેવું છે. પોતાના માતાના કહેવા પર આદિત્યએ એવું કહ્યું હતું. તેમને લાગ્યું કે, આ રીતે તેઓ બધાને બતાવી શકશે કે તેમના પિતા સાથે તેમનો સંબંધ કેવો છે.

(4:52 pm IST)
  • દેશમાં કોરોના કેસનો આંકડો 76 લાખને પાર પહોંચ્યો : છેલ્લા કેટલાય દિવસોથી નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં એકધારો ઘટાડો : રાત્રે 12 વાગ્યા સુધીમાં કોરોનાના નવા 53,560 કેસ નોંધાયા : કુલ કેસનો આંકડો 76,48,258 થયો :એક્ટીવ કેસ ઘટીને 7,39,895 થયા : વધુ 60,571 દર્દીઓ સ્વસ્થ થતા કુલ 67,91,188 રિકવર થયા : વધુ 703 લોકોના મોત સાથે કુલ મૃત્યુઆંક 1,15,939 થયો access_time 12:49 am IST

  • હવે ઉત્તર પ્રદેશના મંદિરોમાં ફૂડ સેફટી વિભાગ દ્વારા માન્યતા પ્રાપ્ત પ્રસાદ જ વહેંચી શકાશે : મંદિર આજુબાજુની દુકાનોમાં ચેકીંગ ચાલુ : યુ.પી.સરકારે ' બ્લેસફુલ હાઈજેનીક ઓફરિંગ ટુ ગોડ ( ભોગ ) યોજના શરૂ કરી access_time 11:43 am IST

  • મહારાષ્ટ્રમાંથી દરરોજ 105 યુવતીઓ ગૂમ થાય છે : મોટાભાગની યુવતીઓ દેહ વ્યાપારમાં ઢસડાવા મજબુર : નેશનલ ક્રાઇમ રેકોર્ડ્સ બ્યુરોનો ચોંકાવનારો અહેવાલ : ગૂમ થનારાઓની સંખ્યામાં 88 ટકા મહિલાઓ અને 6 ટકા બાળકો access_time 12:18 pm IST