Gujarati News

વિજય વર્મા એવો અભિનેતા છે જેને હીરો કરતાં વિલનગીરીના રોલ વધુ માફક આવી રહ્યા છે. એક સમય હતો જ્‍યારે પ્રાણસાહેબ દુષ્‍ટ માનવીનું પાત્ર ખુબ પ્રભાવી રીતે ભજવતાં હતાં. એ કારણે એ સમયે માતા-પિતા પોતાના પુત્રનું નામ કદી પણ પ્રાણ રાખતા નહોતાં. હાલમાં બોલીવૂડને આવો જ એક દમદાર મસ્‍તમજાનો એક્‍ટર મળ્‍યો છે જે પ્રાણસાહેબની જેમ જ અધમ વ્‍યક્‍તિના રોલનો આનંદ લઇ રહ્યો છે. વિજય છેલ્લે લસ્‍ટ સ્‍ટોરીઝમાં જોવા મળ્‍યો હતો. જેમાં તેના તમન્‍ના સાથે અંતરંગ દ્રશ્‍યો પણ હતાં. એ પહેલા આવેલા દહાડમાં તેણે જે ભુમિકા ભજવી હતી તેના પર ચાહકો ફીદા થઇ ગયા હતાં. સિરીયલ કિલરનો રોલમાં તેણે જીવ રેડી દીધો હતો. દર્શકોને તેને જોતાં એમ જ થાય કે આ માણસ કદી પકડાશે જ નહિ. વિજય કહે છે હું અત્‍યારે ખલનાયકીનો ભરપુર આનંદ ઉઠાવી રહ્યો છું. થોડા સમય માટે ટાઇપક્‍લાસ બની જાઉ તો મને ફિકર નથી. ઇમેજ બદલવા મારા ભાથામાં ઘણા તીર છે.