Gujarati News

Gujarati News

News of Thursday, 20th September 2018

ટૂંક સમયમાં ફ્લોર પર જશે ફિલ્મ 'સેલ્યુટ'

મુંબઈ:ફિલ્મ નિર્માતા આદિત્ય રોય કપૂરે કહ્યું હતું કે અમારી સેલ્યુટ ફિલ્મ ટૂંક સમયમાં ફ્લોર પર જવાની શક્યતા છે. ભારતના પ્રથમ અવકાશ યાત્રી રાકેશ શર્માની આ બાયો ફિલ્મ છે જેમાં શાહરુખ ખાન મુખ્ય રોલ કરવાનો છે.મૂળ આ રોલ પહેલાં આમિર ખાનને ઑફર કરાયો હતો પરંતુ આમિર યશ રાજની ઠગ્સ ઑફ હિન્દુસ્તાન ફિલ્મના કામમાં બીઝી હતો એટલે સળંગ તારીખો ફાળવી શકે એમ નહોતો અને એને સેલ્યુટની સ્ક્રીપ્ટમાં પણ થોડાક ફેરફાર કરવા જોઇએ એમ લાગતું હતું. એટલે એણે ફિલ્મ છોડી દીધી હતી અને શાહરુખ ખાનનું નામ સૂચવ્યું હતું. શાહરુખે ફિલ્મ સ્વીકારતાં પહેલાં એવી શરત મૂકી હતી કે આમિરે આ રોલ માટે જે રિસર્ચ કર્યું હોય એ શાહરુખને આપી દેવું જેથી શાહરુખનું કામ થોડું સરળ થાય. શાહરુખે એવી પણ શરત મૂકી હતી કે હાલ હું આનંદ એલ રાયની ઝીરો ફિલ્મ કરી રહ્યો છું. એ પૂરી થાય ત્યારબાદ હંુ નવી ફિલ્મ શરૃ કરીશ. ઝીરો ફિલ્મ શાહરુખના પોતાના બેનર તળે બની રહી છે.સેલ્યુટનું ડાયરેક્શન મહેશ મથાઇ કરવાના છે.આદિત્ય રોય કપૂરે કહ્યંુ હતું કે બાયો-ફિલ્મ હોય કે બીજી કોઇ મસાલા ફિલ્મ હોય, ફિલ્મ બનાવવાનું કામ સરળ નથી. એમાં ઘણાં પરિબળો મહત્ત્વનો ભાગ ભજવે છે.

(4:36 pm IST)
  • એસટી વિભાગ દ્વારા લગ્નપ્રસંગે રાહતદરે બસ ફાળવાશે: વિજયભાઈ રૂપાણીના હસ્તે ફાળવાશે : ૪૫ નવી વોલ્વો બસ શણગારેલી મળશે access_time 3:19 pm IST

  • સુરત:પાટીદાર સમાજના દિગ્ગજ ધીરુભાઈ ગજેરાનું કોંગ્રેસમાંથી રાજીનામુ:કોંગ્રેસ મોવડી મંડળથી નારાજ ગજેરાએ રાજીનામુન આપ્યું :હાલ ધીરુભાઈ ગજેરા કોંગ્રેસના પ્રદેશ ઉપાધ્યક્ષ : ભાજપના ધારાસભ્ય રહી ચૂક્યા છે ધીરુભાઈ ગજેરા :કોંગ્રેસમાંથી વિધાનસભા અને લોકસભાની ચૂંટણી લડ્યા હતાં access_time 9:53 pm IST

  • સુરત:કોસંબા પો.સ્ટે વિસ્તારમાં ઝડપાયો વિદેશી દારૂ:સુરત જીલ્લા LCBએ નેશનલ .હાઇવે ૮ ઉપર પીપોદરા વિસ્તારમાં ઝડપી પાડ્યો વિદેશી દારૂ: આઈશર ટેમ્પા ઉપર તાડપત્રી ઢાંકી સંતાડયો હતો દારૂ: ૪ લાખથી વધુનો વિદેશી બનાવટનો અલગ અલગ બ્રાન્ડ વિદેશી દારૂ તેમજ આઈશર ટેમ્પો કર્યો કબ્જે:પોલીસે ૧૧ લાખથી વધુનો મુદ્દામાલ કબ્જે કરી: ડ્રાઇવરને ભાગેડુ જાહેર કરી વધુ તપાસ હાથધરી. access_time 10:45 pm IST