Gujarati News

Gujarati News

News of Thursday, 20th September 2018

હાઉસફુલ-૪માં અક્ષય કુમારની ડબલ ધમાલ

હાઉસફુલ-૪નું શુટીંગ હાલમાં રાજસ્‍થાનમાં ચાલી રહ્યું છે. ફિલ્‍મમાં અક્ષય કુમાર, બોબી દેઓલ, રિતેશ દેશમુખ, ક્રિતી સેનન, પૂજા હેગડે, કૃતિ ખરબંદા, નાના પાટેકર જેવા કલાકારો છે. હવે એવી ચર્ચા શરૂ થઇ છે કે અક્ષય કુમાર આ ફિલ્‍મમાં ડબલ રોલ નિભાવી રહ્યો છે. દર્શકોને એક ટિકીટમાં ડબલ અક્ષયને માણવાનો લ્‍હાવો મળશે. ફિલ્‍મ સાથે જોડાયેલા સુત્રો કહે છે કે હાઉસફુલ-૪ ખુબ મોટી સરપ્રાઇઝ લઇને આવશે. બે અક્ષય પૈકી એક વર્તમાનમાં હશે અને બીજો રોલ બાહુબલીના સમયનો હશે. આ ફિલ્‍મનું કનેક્‍શન બાહુબલી સાથે પણ હશે! ફિલ્‍મમાં પુનર્જન્‍મની કહાની પણ છે. તેની સાથે ભરપુર કોમેડી પણ હશે. ફિલ્‍મ શુટીંગનું એક શેડયુલ પુરૂ થઇ ગયું છે હવે બીજા શેડયુલનું કામ ચાલી રહ્યું છે. તાજેતરમાં સૂર્યગઢ પેલેસમાં શુટીંગ કરવામાં આવ્‍યું હતું. પહેલી બે સિરીઝ બનાવનાર સાજીદ ખાનને જ ચોથી ફિલ્‍મનું નિર્દેશન સોંપાયું છે. ૨૦૧૯ની દિવાળી પર આ ફિલ્‍મ આવશે.

 

(11:29 am IST)
  • સુરત:કોસંબા પો.સ્ટે વિસ્તારમાં ઝડપાયો વિદેશી દારૂ:સુરત જીલ્લા LCBએ નેશનલ .હાઇવે ૮ ઉપર પીપોદરા વિસ્તારમાં ઝડપી પાડ્યો વિદેશી દારૂ: આઈશર ટેમ્પા ઉપર તાડપત્રી ઢાંકી સંતાડયો હતો દારૂ: ૪ લાખથી વધુનો વિદેશી બનાવટનો અલગ અલગ બ્રાન્ડ વિદેશી દારૂ તેમજ આઈશર ટેમ્પો કર્યો કબ્જે:પોલીસે ૧૧ લાખથી વધુનો મુદ્દામાલ કબ્જે કરી: ડ્રાઇવરને ભાગેડુ જાહેર કરી વધુ તપાસ હાથધરી. access_time 10:45 pm IST

  • સુરેન્દ્રનગર:માલવણ વિરમગામ હાઈવે પર અકસમાત :કાર અને બાઈક વચ્ચે અકસ્માત સર્જાતા બે વ્યકિતઓને ગંભીર ઇજા:ઇજાગ્રસ્તોને અમદાવાદ સારવાર માટે ખસેડાયા access_time 10:51 pm IST

  • મુખ્યપ્રધાન વિજય રૂપાણીનુ પોરબંદરમા આગમન:ખારવા સમાજ દ્વારા આયોજીત રામદેવજી મહાપ્રભજીના પ્રાગટ્ય મહોત્સવમા ઉપસ્થિત:કાર્યક્રમમાં જનસભાને પણ સંબોધશે મુખ્યપ્રધાન, માછીમારો માટે 11 કરોડના કામોનું કરશે ખાતમહુર્ત access_time 10:53 pm IST