Gujarati News

Gujarati News

News of Monday, 20th May 2019

નો એન્ટ્રી ફિલ્મની સિક્વલ આવશે પરંતુ આ ફિલ્મમાં હિરો સલમાન ખાન નહીં હોય

નવી દિલ્હી : 2005માં રિલીઝ થયેલી સલમાન ખાન અને અનિલ કપૂરની કોમેડી ફિલ્મ નો એન્ટ્રીની સિક્વલ વિશે પુરજોશમાં ચર્ચા ચાલી રહી છે. હવે ડિરેક્ટર અનિસ બઝમીએ પણ સિક્વલ વિશે ઇશારો કર્યો છે. અનિસના ઇશારા પછી ફિલ્મના રસિકો ઉત્સાહમાં આવ ગયા છે પણ સાથેસાથે ચોંકાવનારી માહિતી મળી છે કે સિક્વલમાં મૂળ ફિલ્મનો હીરો સલમાન ખાન નહીં હોય.

મલ્ટીસ્ટારર ફિલ્મના પહેલા ભાગમાં સલમાન ખાન અને અનિલ કપૂર લીડ રોલમાં હતા. તેમની  સાથે બિપાસા બાસુ, લારા દત્તા, સેલીના જેટલી અને ફરદીન ખાન હતા. ફિલ્મની રિલીઝને 14 વર્ષ થઈ ગયા હોવા છતાં ચાહકોમાં એનો ક્રેઝ જળવાયેલો છે. અત્યાર સુધી ડિરેક્ટર અનિસ બઝમી અને પ્રોડ્યુસર બોની કપૂર પાસે ટાઇમ હોવાના કારણે એની સિક્વલ બની નહોતી પણ હવે સિક્વલ બનાવવાનું ફાઇનલ થઈ ગયું છે.

સિવાય હાલમાં અર્જુન કપૂર અને મલાઇકા અરોરાની રિલેશનશીપ બોલિવૂડમાં ચર્ચાનો મુદ્દો છે. સલમાન ખાનના ભાઈ અરબાઝ ખાનની ભૂતપૂર્વ પત્ની મલાઇકા અને પ્રોડ્યુસર બોની કપૂરના દીકરા અર્જુનની રિલેશનશીપથી સલમાન બહુ અપસેટ છે. કારણોસર સલમાને હાલમાં બોની કપૂરની બે મોટી ફિલ્મોમાં કામ કરવાની ના પાડી દીધી છે. અરબાઝ અને મલાઇકાએ ગયા વર્ષે દાયકા જુના લગ્ન પછી ડિવોર્સ લીધા છે.

ડેક્કન ક્રોનિકલના સમાચાર પ્રમાણે બોની કપૂરે પોતાની બે ફિલ્મો માટે સલમાનને સાઇન કર્યો હતો પણ હવે સલમાને પ્રોજેક્ટમાં કામ કરવાની ચોખ્ખી ના પાડી દીધી છે. બોની કપૂર નજીકના ભવિષ્યમાં સલમાન સાથે વોન્ટેડ 2 અને નો એન્ટ્રીની સિક્વલ કામ કરવાનો હતો પણ હવે તેણે ફિલ્મમાં કામ કરવાની ના પાડી દીધી છે. સલમાનના ઇન્કારના પગલે નો એન્ટ્રીની સિકવલ તેના વગર બનાવવાનો નિર્ણય લેવાયો છે.

(5:11 pm IST)
  • ભાજપ કેરળમાં જીતતી નથી, કારણ કે ત્યાં શિક્ષીત લોકો છે અંધભક્ત નહિં:ભાજપના બાગી સાંસદ ઉદિતરાજનો આકરો પ્રહાર : ઉત્તર પશ્ચિમ દિલ્હીથી ફરી ટીકિટ ન મળતા ભાજપનાં અસંતુષ્ટ સાંસદ ઉદિત રાજે ભાજપ પર હલ્લાબોલ કર્યો :ઉદિત રાજ હવે કોંગ્રેસનો હિસ્સો છે,. 2014માં આ સીટ પરથી ઉદિત રાજે ભાજપનાં બેનર હેઠળ ચૂંટણી લડીને જીત્યા હતાં. એક્ઝિટ પોલ જાહેર થયા બાદ તેમણએ ટ્વિટ કરીને બીજેપી પર હુમલો કર્યો હતો access_time 12:52 am IST

  • સૌરાષ્ટ્ર-કચ્છ-ઉત્તર ગુજરાતમાં વાતાવરણ પલ્ટાશે : બે દિવસ થંડરસ્ટ્રોમની આગાહી રાજકોટમાં ૪૦ ડિગ્રી : હવામાન વિભાગે બે દિવસ ફરી વરસાદની આગાહી કરી છે : સૌરાષ્ટ્ર, કચ્છમાં જોરદાર પવન ફૂંકાશે : બનારસકાંઠા અને સાબરકાંઠામાં સામાન્ય વરસાદ પડશે : રાજકોટમાં બપોરે ૩ વાગ્યે ૪૦ ડિગ્રી તાપમાન છે : ફરી ગરમીમાં આંશિક વધારા સાથે ૧૬ કિ.મી.ની ઝડપે ગરમ પવન ફૂંકાઈ રહ્યા છે access_time 4:26 pm IST

  • રાજકોટમાં આવતીકાલથી યલો એલર્ટ જાહેર : હવામાન ખાતાના વેધર ડેટા એનાલીસ્ટની આગાહી મુજબ આવતીકાલે ૨૧મીના રોજ યલો એલર્ટ (૪૧ ડીગ્રી ઉપર) રહેશે. access_time 4:01 pm IST