Gujarati News

Gujarati News

News of Saturday, 20th February 2021

મોટાભાગના દેશોમાંસ્ત્રીઓની ‘સેક્‍સ્‍યુલિટી'ને પાપ માનવામાં આવે છે, સાડી અથવા સ્‍વીમ સ્‍યુટ પહેરવુ એસ્ત્રીની પસંદગીઃ એકતા કપૂરે મહિલાઓ મુદ્દે કરી વાત

મુંબઇ: બોલીવૂડ અને ટેલીવિઝન ઇન્ડસ્ટ્રીની જાણીતી કંટેન્ટ ક્રિએટર એકતા કપૂર મહિલાઓના મુદ્દાના પરદા પર સારી રીતે દર્શાવે છે. તે હમેશાં મહિલાઓના મુદ્દાઓ પર બોલે છે. તેણે આ મુદ્દો ફરી એકવાર ઉઠાવ્યો છે. એકતા કપૂરે કહ્યું કે, મોટાભાગના દેશોમાં સ્ત્રીઓની Sexuality ને પાપ માનવામાં આવે છે. તેણે વધુમાં કહ્યું, લિપસ્ટિક અંડર માય બુર્કા, ધ ડર્ટી પિક્ચર, ડોલી કિટ્ટી અને વો ચમકતા સિતારેં, જેવી સશક્ત મહિલા કેન્દ્રીય સ્ટોરીઓને દર્શકો સુધી પહોંચાડવાનો પોતાનો નિર્ણય છે.

સમજી વિચારી એકતાએ કહી આ વાત

એકતા કપૂર કહે છે, 'મેં આ નિર્ણય ખૂબ વિચારપૂર્વક લીધો છે. મોટાભાગના દેશોમાં, સ્ત્રીઓની Sexuality ને પાપ માનવામાં આવે છે. આ ખૂબ મોટી સમસ્યા છે અને મને ઘણી વાર કહ્યું છે કે હું મારા ટેલિવિઝન શોમાં સાડી અને બિંદી સાથે મહિલાઓને બતાવીને પણ આ સફરનો એક મોટો ભાગ રહી છું. જો કે, દેશમાં મહિલાઓના વિકાસને જોઈને હું દંગ રહી છું. લોકો આ હકીકતને સ્વીકારવાનું ટાળે છે કારણ કે સાડી અથવા સ્વિમસ્યુટ પહેરવું એ સ્ત્રીની પસંદગી છે.

એકતાએ કહી આ વાત

તેણે વધુમાં કહ્યું કે, તેણે ઘરેલુ મુદ્દાઓ સાથે ઝઝૂમતી મહિલા સંઘર્ષની વાતો દર્શાવી છે અને હવે 'અન્ય મુદ્દાઓ' ધરાવતી મહિલાઓની સ્ટોરીઓ કહેવાનો સમય છે.

નવા વેબ શો લઇને આવી રહી છે એકતા

તમને જણાવી દઈએ કે, આ વર્ષે એકતા કપૂરના ઘણા શો આવવાના છે. અભિનેત્રી સોશિયલ મીડિયા પર પણ ઘણા પ્રયત્ન કરી રહી છે. આ વર્ષે ઘણી વેબ સિરીઝ પણ લાઇન અપ છે. આ ઉપરાંત અભિનેત્રી અનિતા હસનંદાનીની ડિલીવરી દરમિયાન સ્થળ પર હાજર હતી. તેણે અનિતાના બેબી શાવરનું પણ આયોજન કર્યું. બંને ખૂબ સારા મિત્રો છે. એકતા અનિતાની ડિલિવરીને લઈને પણ ખૂબ ઉત્સાહિત હતી. એકતાનો ડિલિવરી પછીનો વીડિયો પણ વાયરલ થયો હતો.

(5:01 pm IST)
  • મહારાષ્ટ્રના ૪ પ્રધાનોને એકસાથે કોરોના વળગ્યોઃ એક પ્રધાનને ફરી કોરોના થયો : મહારાષ્ટ્રમાં શું થઈ રહ્યું છે? : મહારાષ્ટ્રમાં કંઈક ગંભીર બની રહ્યું છે? શ્રી ઉદ્ધવ ઠાકરે મંત્રીમંડળના ૪ સભ્યો જયંત પાટીલ, રાજેશ ટોપે, અનિલ દેશમુખ અને બછુ કડુને કોરોના પોઝીટીવ આવેલ છે. બે અન્ય પ્રધાનોને હળવા ચિન્હો સાથેનો કોરોના થયો છે. જયારે બછુ કડુને બીજી વખત કોરોના પોઝીટીવ વળગ્યો છે access_time 4:05 pm IST

  • ચૂંટણી એક બિમારી છે : રાજનીતિથી દૂર રહીશુઃ સરકાર પર ભરોસો નથી : એનડીટીવીના પત્રકાર નિધી કુલપતિ સાથેના ખાસ ઇન્ટરવ્યુમાં ખેડૂત આંદોલનના સુત્રધાર રાકેશ ટિકૈતે કહેલ કે ચૂંટણી એક બિમારી છે. અમે તેની નજીક પણ નહિ જઇએ. રાજનીતિથી દૂર રહીશું આ સરકાર ઉપર અમને ભરોસો નથી. access_time 10:20 am IST

  • બલુચિસ્તાનમાં બે આતંકી હુમલા : પાકિસ્તાનના પાંચ સૈનિકોના મોત :અન્ય બે ઘાયલ : ફ્રન્ટિયર કોર સૈનિકોને નિશાન બનાવી બ્લુચિસ્તાનની રાજધાની ક્રેટાનાં બાહરી વિસ્તાર અને કોહલુ જિલ્લાના અંતરિયાળ વિસ્તારમાં કરાયો હુમલો: રિમોટ સંચાલિત બોમ્બને બાઈકમા રાખીને ફ્રન્ટિયર કોરના કાફલાને નિશાન બનાવ્યો access_time 11:24 pm IST